Aýa raıy
Astana 16 °S
Almaty 20 °S
valıýta baǵamy
USD 384.39
EUR 431.71
RUB 6.11
CNY 55.88

Qaraǵandy oblysynyń polıtsııa departamentinde qaza tapqan polıtseılerdi eske aldy

2019 jyldyń 18 maýsym 2019 03:46 471

QARAǴANDY. QazAqparat - Qaraǵandy oblysynyń polıtsııa departamentinde qaza tapqan polıtseılerdi eske aldy, dep habarlaıdy QazAqparat tilshisi.

Qazaqstan polıtsııasy kúni qarsańynda Qaraǵandy oblysy PD basshylyǵymen birqatar ımıdjdik sharalar ótkizý josparlanǵan. Sonyń biri ІІO ardagerlerine qurmet kórsetý, qyzmettik boryshyn óteý barysynda qaza tapqan polıtsııa qyzmetkerlerin eske alý.

Aldymen polıtsııa departamentiniń basshylary 1998 jyly qyzmettik boryshyn atqarý kezinde qaza tapqan Qaraǵandy qalasy Іshki ister basqarmasynyń jedel ýákili Nurlan Sapýanuly Baıǵaskınniń otbasyna bardy.

Qaraǵandy qalalyq basqarmasy Uylmystyq izdestirý bóliminiń jedel ýákili Nurlan Baıǵaskın Soltústik Qazaqstan oblysy Jambyl aýdany Arhangelsk selosynda dúnıege kelgen. 1996 jyldyń shildesinen bastap ol ishki ister organdarynda qyzmet ete bastady. 1998 jyldyń qarasha aıynda Qaraǵandydaǵy páterlerdiń birinde tosqaýyl ornatylǵan bolatyn. Onda boljam boıynsha mılıtsıoner Rýstam Májıtovtyń ólimine qatysy bar kúdiktiler kelýi kerek edi. Páterde mılıtsıonerler men qylmyskerler arasynda atys bastalyp, nátıjesinde Nurlan Baıǵaskın qaza tapty. Onyń áriptesi Nıkolaı Redchenko birden qarsy oq atty. Qylmyskerlerdiń biri oqıǵa ornynda qaza tapty, ekinshisi jaralandy, qylmyskerlerdiń oǵynan Nıkolaıdyń ózi de zardap shekken bolatyn.

Qazaqstan Respýblıkasy Prezıdentiniń «Azamattardyń konstıtýtsııalyq quqyqtaryn qorǵaý kezinde kórsetken erligi men janqııarlyǵy, áskerı jáne qyzmettik boryshyn úlgili oryndaǵany úshin» Jarlyǵymen ІІ dárejeli «Aıbyn» ordenimen (qaıtys bolǵannan keıin) marapattaldy. Nurlan Baıǵaskınniń esimi Qaraǵandy oblysy ІІD ǵımaratynyń aldyndaǵy Estelik memorıalyna jazyldy. Nurlan Baıǵaskın turǵan úıdiń qabyrǵasyna memorıaldyq taqta ornatyldy.



nullSondaı-aq PD basshylyǵy QR ІІM-niń eńbek sińirgen qyzmetkeri, ІІO-nyń qurmetti ardageri, otstavkadaǵy polıtsııa polkovnıgi Amangeldi Bekjanovtyń úıine baryp qaıtty.

Amangeldi Bekjanov ár jyldary Qaraǵandy, Jambyl oblystarynda basshylyq laýazymdarda jumys istedi. Qaraǵandy oblysynda qyzmet atqarǵan jyldary ІІD bastyǵynyń orynbasary, departament bastyǵynyń keńesshisi boldy.

«Bul Qazaqstan polıtsııasy kúni qarsańynda tolyq aýqymdy josparlardyń basy ǵana, sporttyq jáne kontserttik is - sharalar ótkizý kózdelip otyr», - dep atap ótti Qaraǵandy oblysy PD Kadr saıasaty basqarmasynyń bastyǵy Murat Jumadildın.

 

 

Joǵary qaraı