Aýa raıy
Astana 17 °S
Almaty 12 °S
valıýta baǵamy
USD 386.80
EUR 429.27
RUB 5.78
CNY 54.89

Qaraǵandy oblysynda «Uly dala murasy» halyqaralyq festıvali ótedi

2019 jyldyń 6 maýsym 2019 20:43 1122

QARAǴANDY. QazAqparat - Qaraǵandy oblysynda Elbasynyń «Qoǵamdyq sanany jańǵyrtý» jáne «Uly dalanyń jeti qyry» baǵdarlamalyq maqalalary sheńberinde halyqaralyq murajaılar festıvali uıymdastyrylady. Shara 11-13 maýsym kúnderi Jezqazǵan aımaǵynda ótedi, dep habarlaıdy QazAqparat tilshisi.

Festıvaldiń bastamashysy - Qaraǵandy oblysynyń ákimdigi jáne Qaraǵandy oblysynyń mádenıet, muraǵattar jáne qujattama basqarmasy. Sharanyń basty maqsaty - tarıhı-mádenı murany saqtaý jáne dáripteý, qazaq halqynyń tarıhyn zertteý, Uly dala órkenıetin jańǵyrtý.

Festıvalge otandyq jáne sheteldik murajaılar men muraǵattardyń ókilderi qatysady. Túrkııa, Mysyr, Qytaı, Reseı, Ózbekstan jáne Mońǵolııadan delegattar keledi dep kútilýde.

«Uly dala murasy» halyqaralyq festıvaliniń ashylý rásimi 11 maýsym kúni saǵat 10.00-de Jezqazǵan tarıhı-arheologııalyq murajaıynyń alańynda (Alashahan kóshesi, 22) bolady.

Baǵdarlama aıasynda «Tarıhta óz esimińdi qaldyr» aktsııasy, sheberlik-synyptar, murajaı qyzmetkerlerine arnalǵan semınar-trenıngter, Ulytaý mańyna ekskýrsııalar uıymdastyrylady. Festıvalde sheteldik jáne otandyq murajaılardan rarıtetter, biregeı jádigerler kórsetiledi.

 

 

Joǵary qaraı