Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Qaraǵandy oblysynda bıylǵy jyly dárigerlerge 63 páter beriledi

2019 jyldyń 21 aqpan 2019 16:22 1328

QARAǴANDY. QazAqparat - Bıylǵy jyly Qaraǵandy oblysynda dárigerlerge 63 páter beriledi. Bul jaıly Aımaqtyq kommýnıkatsııalar qyzmeti alańynda ótken brıfıngte Qaraǵandy oblysy Densaýlyq saqtaý basqarmasynyń ambýlatorlyq-emxanalyq kómekti damytý jáne úılestirý bóliminiń jetekshisi Dana Baıkenova málim etti, dep habarlaıdy óńir basshysynyń resmı saıty. 

 «Oblystaǵy aýrýxanalar men emxanalarda qazirgi tańda 97 dárigerler jetispeıdi. Ol - neonatologtar, anestezıologtar, akýsher-gınekologtar, sondaı-aq jalpy tájirıbelik dárigerler. Alaıda Densaýlyq saqtaý basqarmasynyń kadrlardy jumyldyrý baǵdarlamasy óz nátıjelerin berip jatyr. Ótken jyly oblysqa 333 dáriger keldi, olardyń 260-sy jas mamandar», - deıdi Dana Baıkenova.

Onyń aıtýynsha, mamandardy tartý úshin Densaýlyq saqtaý basqarmasy 2016 jyldan beri olarǵa baspana bere bastaǵan. 2016 jyly dárigerler 4 páter alǵan, 2017 jyly - 26 páter.

«2018 jyly Balqashta jáne Saranda jas mamandar 27 páter aldy. Sonymen qatar osy jyldyń sońyna deıin taǵy 63 páter beriledi. Qonys toılaryn Abaı, Shahtınsk, Jezqazǵan jáne Qaraǵandy, sondaı-aq Aqtoǵaı aýdanyndaǵy dárigerler toılaıtyn bolady», - dep atap ótti Dana Baıkenova.

2020 jyly Densaýlyq saqtaý basqarmasy Qaraǵandyda, Temirtaý, Jezqazǵan jáne Qarqaralyda 210 páter berýdi josparlap otyr. 

 

 

Joǵary qaraı