Aýa raıy
Astana 5 °S
Almaty 8 °S
valıýta baǵamy
USD 389.86
EUR 435.32
RUB 6.12
CNY 55.12

Qaraǵandy oblysy ákiminiń orynbasary pyshaqtan jaraqat aldy

2019 jyldyń 26 mamyr 2019 22:25

QARAǴANDY. QazAqparat - Áleýmettik messendjerlerdiń birinde Qaraǵandy oblysy ákiminiń orynbasary Almas Aıdarov pyshaqtan jaraqat alǵany týraly jarııalandy, dep habarlaıdy QazAqparat tilshisi.

«26 mamyrda saǵat 05:30-da Qaraǵandy qalasynyń Ortalyq Polıtsııa bólimine jedel járdem qyzmetinen pyshaqtan jaraqat alýyna baılanysty habarlama kelip tústi. Anyqtalǵandaı, 1983 jyly týǵan Almas Aıdarov (oblys ákiminiń orynbasary) abaısyzda pyshaqpen oń jaq keýde tusynan tereń emes jaraqat alǵany belgili boldy. Jaraqat alǵan azamat eshkimniń ústinen aryz jazbaıtynyn málimdegen.

A. Aıdarovtyń túsindirýi boıynsha tort kesip jatqanda, abaısyzdan qolyndaǵy pyshaǵy taıyp ketip, jaraqattanyp qalǵan. Atalǵan derek Qaraǵandy qalalyq Polıtsııa basqarmasynda sotqa deıingi tergeýdiń biryńǵaı tizilimine alyndy», - delingen aqparatta.

Bul derekti Qaraǵandy oblysy ákiminiń baspasóz qyzmeti de rastady. «Oblys ákimi orynbasarynyń jaǵdaıy jaqsy», dep sendirdi baspasóz qyzmetindegiler.

«A. Aıdarovtyń jaǵdaıy týraly alańdaýshylyq bildirgenderińiz úshin rahmet. Biraq ýaıymdaýǵa esh sebep joq. Ákimniń orynbasary ózin jaqsy sezinedi. Erteń ádettegi rejimde jumysqa shyǵady», - dedi oblys ákimi baspasóz qyzmetiniń jetekshisi Marına Shapovalova.

Almas Aıdarovtyń Facebook-tegi paraqshasynda, aman-esen ekenin, densaýlyǵyna qatysty alańdaýshylyq bildirgen jandarǵa alǵysyn aıtyp jazba jarııalady.

Joǵary qaraı