Awa rayı
Nur-Sultan 0 °S
Almatı 29 °S
valyuta bağamı
USD 384.05
EUR 432.79
RUB 5.96
CNY 55.46

Qarağandı oblısı äkіmіnіñ orınbasarı pışaqtan jaraqat aldı

2019 jıldıñ 26 mamır 2019 22:25 1632

 QARAĞANDI. QazAqparat - Älewmettіk messendjerlerdіñ bіrіnde Qarağandı oblısı äkіmіnіñ orınbasarı Almas Aydarov pışaqtan jaraqat alğanı twralı jarïyalandı, dep xabarlaydı QazAqparat tіlşіsі.

«26 mamırda sağat 05:30-da Qarağandı qalasınıñ Ortalıq Polïcïya bölіmіne jedel järdem qızmetіnen pışaqtan jaraqat alwına baylanıstı xabarlama kelіp tüstі. Anıqtalğanday, 1983 jılı twğan Almas Aydarov (oblıs äkіmіnіñ orınbasarı) abaysızda pışaqpen oñ jaq kewde tusınan tereñ emes jaraqat alğanı belgіlі boldı. Jaraqat alğan azamat eşkіmnіñ üstіnen arız jazbaytının mälіmdegen.

A. Aydarovtıñ tüsіndіrwі boyınşa tort kesіp jatqanda, abaysızdan qolındağı pışağı tayıp ketіp, jaraqattanıp qalğan. Atalğan derek Qarağandı qalalıq Polïcïya basqarmasında sotqa deyіngі tergewdіñ bіrıñğay tіzіlіmіne alındı», - delіngen aqparatta.

Bul derektі Qarağandı oblısı äkіmіnіñ baspasöz qızmetі de rastadı. «Oblıs äkіmі orınbasarınıñ jağdayı jaqsı», dep sendіrdі baspasöz qızmetіndegіler.

«A. Aydarovtıñ jağdayı twralı alañdawşılıq bіldіrgenderіñіz üşіn raxmet. Bіraq wayımdawğa eş sebep joq. Äkіmnіñ orınbasarı özіn jaqsı sezіnedі. Erteñ ädettegі rejіmde jumısqa şığadı», - dedі oblıs äkіmі baspasöz qızmetіnіñ jetekşіsі Marïna Şapovalova.

Almas Aydarovtıñ Facebook-tegі paraqşasında, aman-esen ekenіn, densawlığına qatıstı alañdawşılıq bіldіrgen jandarğa alğısın aytıp jazba jarïyaladı.

Avtor: Agata Mwxamedjanova
Bastı sözder: Qarağandı oblısı, Oqïğa,
Joğarı qaray