Aýa raıy
Astana 5 °S
Almaty 8 °S
valıýta baǵamy
USD 389.86
EUR 435.32
RUB 6.12
CNY 55.12

Qapshaǵaı sý qoımasynda Qazaqstannyń úzdik trıatlonshylary anyqtaldy

2019 jyldyń 19 mamyr 2019 04:15

QAPShAǴAI. QazAqparat - Senbi kúni Almaty oblysyndaǵy Qapshaǵaı sý qoımasynda U15, U17 jáne Elite sanatyndaǵy sportshylar arasynda trıatlonnan Qazaqstan Respýblıkasynyń chempıonaty ótti, dep habarlaıdy QazAqparat.

QR Mádenıet jáne sport mınıstrligi Sport jáne dene shynyqtyrý isteri komıtetiniń baspasóz qyzmetinen málim etkendeı, jarys «sprınt» jáne «sýper-sprınt» qashyqtyqtarynda ótti. Onda Nur-Sultan, Almaty, Shymkent qalalarynan jáne Shyǵys Qazaqstan, Qaraǵandy, Túrkistan, Aqmola, Jambyl oblystarynan barlyǵy 94 sportshy baq synady.




null
«Qapshaǵaı jarys qatysýshylaryn ystyq kúnimen, sýyq sýymen qarsy aldy. Salqyn ári jańbyrly kóktemniń sebebinen kól sýy jylyp úlgermegen-di, sý temperatýrasy bar bolǵany 12,5°S kórsetip turdy. Degenmen, tóreshiler saıystyń ótetinin habarlady. Bul chempıonattyń taǵy bir ereksheligi - Elite (erler) sanatyndaǵy 32 sportshy eki kezeńdi saıysta ózderin synap kórdi. Kvalıfıkatsııalyq qashyqtyqty ótkennen keıin úzdik on sportshy fınalda kúsh synasty. Aqtyq synda olar taǵy bir qashyqtyq - «sýper-sprınt» (júzý - 300 m, velokezeń - 8 km, júgirý - 2 km) qashyqtyǵyn baǵyndyryp, ózara myqtyny anyqtaýlary kerek boldy», - delingen aqparatta.

Nátıjesinde absolıýtti úzdik ýaqyt - 24 mınýt 47 sekýnd elordalyq Daryn Qonysbaevqa tıesili boldy. Oǵan bir mınýttaı utylǵan Semen Pıvovarov (Shymkent) ekinshi atandy. Onyń ýaqyty - 25 mınýt 35 sekýnd. Úzdik úshtikti 25 mınýt 57 sekýnd nátıjesimen Denıs Týnıtskıı (Aqmola oblysy) tuıyqtady.




null
Áıelder «sprınt» (júzý - 750 m, velokezeń - 10 km, júgirý - 5 km) qashyqtyǵynda ǵana saıysty. Áıtse de, báseke kúshti boldy. Márege 1 saǵat 6 mınýt 24 sekýnd nátıjesimen Arına Shýlgına (Nur-Sultan) birinshi bolyp jetti. Jeńimpazǵa bir jarym mınýt jeńilgen Aqmola oblysynyń týmasy Ashraf Kamalova ekinshi boldy. Onyń ýaqyty - 1 saǵat 7 mınýt 58 sekýnd. Almatylyq Darıa Bychkova úshinshi atandy (1 saǵat 9 mınýt 21 sekýnd).

Eresek sanattaǵy sportshylardan keıin chempıonattyń júldeli oryndaryn jasy kishirek sportshylar oınatty. U15 sanatynda «sýper-sprınt» qashyqtyǵynda (sýdyń sýyqtyǵyna baılanysty júzý kezeńi bolmaıtyn boldy) qyzdar arasynda úzdik atanǵandar: 26 mınýt 33 sekýnd nátıjesimen Arına Pıhıdko (Aqmola oblysy), 27 mınýt 38 sekýnd ýaqytymen Anastasııa Zaharova (Shymkent) jáne 28 mınýt 45 sekýndpen Hafıza Gýltýraevalar (Shymkent) boldy.




null
Osy sanattaǵy bozbalalar arasynda almatylyq Aleksandr Ten (qorytyndy ýaqyty 21 mınýt 56 sekýnd) jeńimpaz atandy. Ekinshi oryn Maksım Shmýlıchke (Aqmola oblysy) buıyrdy, ýaqyty - 23 mınýt 68 sekýnd. Qola medal Medhat Daırovqa (Aqmola oblysy) tabystaldy. Nátıjesi - 24 mınýt 5 sekýnd.

U17 sanatyndaǵy úzdik oryndar kelesideı úlestirildi. Qyzdar arasynda Aqmola oblysynyń týmasy Natalıa Korotkova (25 mınýt 12 sekýnd) birinshi atandy. Al júldeli ekinshi jáne úshinshi oryndardy Shyǵys Qazaqstan oblysynan kelgen Margarıta Garıkova (26 mınýt 24 sekýnd) jáne Vıktorııa Babına (26 mınýt 48 sekýnd) ózara bólisti.

17 jasqa deıingi erler arasynda chempıondyq ataqty Túrkistan oblysynan kelgen Erasyl Amanjolov (22 mınýt), ekinshi jáne úshinshi oryndardy Aqmola oblysynyń sportshylary Murat Jaken (22 mınýt 22 sekýnd) men Rashıd Romanchýk (22 mınýt 35 sekýnd) ıelendi.

Avtor Samal Qabysheva
Basty sózder: Sport, Almaty, Aımaq,
Joǵary qaraı