Awa rayı
Astana -13 °S
Almatı -3 °S
valyuta bağamı
USD 378.14
EUR 429.42
RUB 5.68
CNY 55.56

Qanat Ïslam Almatı äkіmі Bawırjan Baybektіñ qabıldawında boldı

2018 jıldıñ 13 jeltoqsan 2018 13:31 664

ALMATI. QazAqparat - Belgіlі käsіpqoy boksşı Qanat Ïslam bügіn Almatı äkіmі Bawırjan Baybektіñ qabıldawında boldı, dep xabarlaydı QazAqparat tіlşіsі.

Kezdesw barısında olar sporttıñ, atap aytqanda käsіbï boks salasınıñ damwı twralı talqıladı.

«Bawırjan Baybek sport damwın barınşa qoldaw körsetіp, otandıq sportşılarğa janküyer bolıp keledі. Qalalıq Sport jäne dene şınıqtırw basqarması Almatı äkіmdіgіnіñ qoldawımen, tapsırmasımen qaladağı salawattı ömіr saltın saqtaw men nasïxattaw jolında barlıq jağday jasap otır. Almatılıqtardıñ sportpen aynalıswına barlıq ıñğaylı ïnfraqurılım jasalğan. Men Bawırjan Qıdırğalïulına özіmnіñ alğa qoyğan maqsattarım men QazaqPromoutions  promowterlіk kompanïyası twralı aytıp bermekpіn. Ol kіsі käsіbï boks salasındağı barlıq jañalıqtardı baqılap otıradı. Alla qalasa Almatı men basqa da qalalarda kelesі jılı bіrneşe käsіbï boks keşіn uyımdastıramız. Bіzdіñ promowterlіk kompanïya qazaqstan käsіbï boksın joğarı därejege köteretіn masştabtı joba oylastırıp jatır. Men öz atımnan jäne Qazaq Promoutions atınan Bawırjan Qıdırğalïulına ülken alğıs bіldіremіn», - dedі Qanat Ïslam.

Ayta ketw kerek, Qazaq Promoutions 16 jeltoqsan - Täwelsіzdіk künіne oray Astanada awqımdı käsіbï boks keşіn ötkіzedі.

Şara ayasında rïngke Rwslan Mırsataev, Asxat Wälïxanov, Abılayxan Qusayınov, Aydar Şärіbaev pen Elşat Nığmatwllaulı sïyaqtı ataqtı bılğarı qolğap şeberlerі şığadı.

Boks keşіnіñ bastı jekpe-jegі Elşat Nığmatwllaulı  men äzerbayjandıq  Farïd Alïev arasındağı jekpe jek bolmaq. Qazaqstandıq boksşı  WBC Asia tïtwlın qorğaytın boladı.

 

 

Avtor: Gülmïra Ğosmanälï
Bastı sözder: Boks, Äkіm, Almatı,
Joğarı qaray