Aýa raıy
Astana -9 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Kámeletke tolmaǵandardy tárbıeleý kolonııalary Bilim mınıstrligine berile me

2019 jyldyń 20 qyrkúıek 2019 15:57

NUR-SULTAN. QazAqparat – Kámeletke tolmaǵandardy tárbıeleý kolonııalary ázirshe Bilim jáne ǵylym mınıstrligine berilmeıdi. Bul týraly búgin Senat depýtattarynyń ishki ister organdaryn jańǵyrtý máseleleri jónindegi kóshpeli otyrysynda QR Іshki ister mınıstriniń orynbasary Alekseı Kalaıchıdı aıtty, dep habarlaıdy QazAqparat tilshisi.

«Kámeletke tolmaǵandardy tárbıeleý kolonııalaryn Bilim jáne ǵylym mınıstrligine berý máselesi pysyqtaldy. Biz bul máseleni jan-jaqty talqyladyq. Degenmen, áli erte degen uıǵarymǵa keldik. Olar ázirshe ishki ister organdarynyń júıesinde qalady», - dedi Alekseı Kalaıchıdı.

Sonymen qatar, mınıstr orynbasary sottalǵandarǵa medıtsınalyq qyzmet kórsetý fýnktsııasyn beıindi vedomstvoǵa berý máselesine de toqtaldy.

«Sottalǵandarǵa medıtsınalyq qyzmet kórsetý fýnktsııasyn berý múmkindigi boıynsha ilki shara júzege asyrylyp jatyr. Qazirgi ýaqytta Almaty men Qaraǵandy oblystarynda mundaı ilki nusqa júrgizilýde. Jyldyń qorytyndysynda onyń nátıjelerin jarııa etetin bolamyz», - dedi ol.


Joǵary qaraı