Awa rayı
Astana 4 °S
Almatı 5 °S
valyuta bağamı
USD 366.43
EUR 420.11
RUB 5.58
CNY 52.87

Іrі kölemde para berw qılmıstarı köbeyіp keledі - Alïk Şpekbaev

2018 jıldıñ 14 mawsım 2018 17:54 741

ASTANA. QazAqparat - Soñğı üş jılda іrі kölemde para berw qılmıstarı köbeydі. Al atalğan qılmıs boyınşa sottalğandardıñ sanı ekі esege östі, dep xabarlaydı QazAqparat tіlşіsі.

QR Memlekettіk qızmet іsterі jäne sıbaylas jemqorlıqqa qarsı іs-qïmıl agenttіgіnіñ törağası Alïk Şpekbaevtıñ aytwınşa, osıdan üş jıl burın іrі kölemde para bergen 69 adam ustalsa, ötken jılı atalğan körsetkіş 165 adamğa jettі. «Mäselen, awır jäne asa awır qılmıs üşіn 79 adam uzaq waqıtqa bas bostandığınan ayırıldı. 15 qılmısker 8 jıldan astam waqıtqa qamalsa, 3 adam 10 jılğa deyіngі merzіmge türmege toğıtıldı. Al 5 adam 10-15 jılğa bas bostandığınan ayırıldı. Tіptі, 20 jılğa sottalğandar da bar. Osı orayda barlıq azamattardı para bermewge şaqıramız. Sebebі para bergen adam bolmasa, para alatın adam da bolmaydı. Sosın para berw qılmısı para alğanmen bіrdey ekenіn eske salğım kelіp otır. Onday äreket üşіn 15 jılğa deyіn bas bostandığınan ayırw jazası qarastırılğan», - dedі A.Şpekbaev QR Prezïdentі janındağı Adam quqıqtarı boyınşa komïssïyanıñ keñeytіlgen otırısında.

Ayta keteyіk, otırıs barısında agenttіk basşısı Alïk Şpekbaev adal jumıs іsteytіn memqızmetşіlerdіñ sanın jarïyaladı. Al QR Parlament Senatınıñ depwtatı Bіrğanım Äytіmova memlekettіk qızmetke jañadan keletіn mamandardı jemqorlıqtan qorğaw qajettіgіn jetkіzdі. 

 

Joğarı qaray