Aýa raıy
Astana 6 °S
Almaty 9 °S
valıýta baǵamy
USD 389.86
EUR 435.32
RUB 6.12
CNY 55.12

Internette shekara kerek pe - VVS

2019 jyldyń 19 mamyr 2019 09:40

NUR-SULTAN. QazAqparat - «Reseı onlaın shekarany qorǵaý amaldaryn tabýǵa tyrysyp jatyr, dep jazady VVS basylymy.

Maqala avtorynyń jazýynsha, 1648 jyly Vestfal kelisimine qol qoıylyp, Eýropadaǵy otyz jyldyq soǵys aıaqtalyp, memleketter táýelsizdigin alǵan. Ár memleket óz shekarasyn qorǵap, baqylap, bul áreket jahandyq saıası tártiptiń negizine aınalǵan. Al 2010 jyly Sırııa men Reseı, taǵy birneshe memleket Birikken Ulttar Uıymyna tsıfrlyq álemge de shekara engizýdi suraǵan edi.

Internet saıasat salasynyń sarapshysy Haskall Sharptyń aıtýynsha, talap qoıǵan memleketter telefon nómiri sııaqty, ár memlekette ınternet kod bolý kerektigin aıtqan.

«Bir jylǵa sozylǵan kelissózder esh nátıjesiz aıaqtaldy. Internetke shekara qoıý úshin memleketter azamattaryn qatań baqylaýy qajet. Bul shekarasyz keńistik retinde Internettiń ashyqtyǵyn joıatyn edi jáne úkimettiń quralyna aınalatyn edi», dep jazady basylym.

Avtordyń jazýynsha, on jyl ótken soń bul jaǵdaıdy eske alýy beker emes. Sebebi osy on jyldyń ishinde Birikken Ulttar Uıymynan qoldaý tappaǵan memleketter ınternetke shekara qoıýdyń amalyn izdeýmen bolǵan.

«Reseı ótken aıda ınternetti tehnologııalyq jáne zań turǵysynan shekteıtin eki zań qabyldady. ıAǵnı, Reseı endi syrttan keletin aqparatty súzgiden ótkizetin bolady. Sarapshylar bul ádis ınternettiń erkindigine nuqsan keltiretinin aıtýda», deı kele avtor ashyq ınternettiń qandaı kemshilikteri bar ekenine toqtalady.

«Kez kelgen úkimet qaýipti aqparatqa alańdaýshylyq bildiredi. Internet arqyly túrli vırýstar memlekettik mańyzy bar qurylymdarǵa kesirin tıgize alady. Sondaı aq azamattarǵa da qaýipti aqparat keri áser etýi múmkin. Degenmen, ınternetke shekara qoıý azamattardy qorǵaýdan buryn, olardy baqylaýǵa kóshedi», deıdi Okford ýnıversıtetiniń ǵalymy Lınkoln Pıgman.

Avtor Aıkúmis Bolatbek
Basty sózder: Internet, Álem, BAQ,
Joǵary qaraı