Aýa raıy
Astana 19 °S
Almaty 32 °S
valıýta baǵamy
USD 386.05
EUR 428.25
RUB 5.84
CNY 54.65

Internet-bankıng arqyly jasalatyn qylmys sany kóbeıgen

2019 jyldyń 2 shilde 2019 23:41 1161

NUR-SULTAN. QazAqparat - Elordanyń polıtsııa departamenti ınternet jelisindegi alaıaqtardyń kóbeıgeni týraly aıtty, dep habarlaıdy QazAqparat.

«Qazirgi ýaqytta elordalyq Polıtsııa departamenti «ınternet-bankıng» qyzmeti arqyly jasalǵan alaıaqtyq týraly 40-tan astam aryzdy qaraýda. Atalǵan qyzmet túrin barlyq bank kartasyn ustaýshylar túgeldeı derlik paıdalanady, alaıda olardyń barlyǵy onyń fýnktsııalary týraly bile bermeıdi. Alaıaqtar ınternet arqyly sizdiń jeke kabınetińizde avtorızatsııany bastaǵan kezde, oǵan qosylǵan abonenttik nómirge bir rettik parol jazylǵan SMS-habarlama keledi. Ádette ol 5-6 sannan turady. Atalǵan paroldiń kómegimen alaıaqtar sizdiń shotyńyzǵa tolyq qoljetimdilik alady jáne shottaǵy aqsha qarajatyn erki boıynsha jumsaıdy», - delingen polıtsııa habarlamasynda.

Departamenttiń habarlaýynsha, qaskóıler paroldi alý úshin ártúrli sebepterdi paıdalanady, kóbinese habarlandyrýlar boıynsha habarlasady jáne jyljymaıtyn múlikti nemese basqa da taýardy alýǵa daıyn ekenin aıtady.

«Sóılesý barysynda alaıaqtar kepilaqsha berý úshin bank kartasynyń fotosýretin jiberýdi suraıdy. Budan ári olar joǵaryda kórsetilgen syzba boıynsha áreket etedi.

Qaskóılerdiń áreketinen keltirilgen materıaldyq shyǵyn 50 000 bastap 15 000 000 teńgege deıin quraıdy» , - deıdi polıtsııa qyzmeti.

Elordalyq polıtsııa azamattardy saq bolýǵa shaqyrady. 

 

 

Basty sózder: Internet, Qylmyspen kúres, Nur-Sultan,
Joǵary qaraı