Awa rayı
Astana 17 °S
Almatı 18 °S
valyuta bağamı
USD 354.12
EUR 416.73
RUB 5.37
CNY 51.65

Ïnternet-alayaqtardıñ qurbanı kіm bolwı mümkіn - SQO polïceylerі

2018 jıldıñ 13 şіlde 2018 08:27 518

PETROPAVL. QazAqparat - Soltüstіkqazaqstandıq jedel qızmetkerler Ïnternet-alayaqtardıñ kіmge qızığwşılıq tanıtatının ayttı, dep xabarlaydı QazAqparat tіlşіsі.

Oblıstıq ІІD baspasöz qızmetіnde atap ötkendey, texnïkalıq іlgerіlew ğasırında qılmıstıq jüye de özgerіp jatır.

Krïmïnaldıq polïcïya basqarmasınıñ bastığı Petr Klïmovtıñ aytwınşa, alayaqtar zamanawï trendke beyіmdelіp, Ïnternet-keñіstіkke şığıp jatır. Soltüstіkqazaqstandıqtar OLX, Krışa, Kolesa.kz sayttarında, VKontakte jäne Instagram älewmettіk jelіsіnde büğan jïі urınıp jatır.

Polïceylerdіñ aytwınşa, kïberqılmıskerler Ïnternet jelіsіnіñ belsendі qoldanwşıları, yağnï orta jastağı jumıs іsteytіn adamdarğa qızığwşılıq tanıtadı.

«Qanday jağday bolmasın, belgіsіz adamdarğa kartanıñ pïn-kodın, şottardıñ nömіrlerіn, älewmettіk jelіlerdenі akkawnttardıñ logïnderі men qupïya sözderіn aytpañızdar. Ïnternet-qılmıstı jedel aşw üşіn polïcïyağa waqtılı xabarlasw öte mañızdı», - dedі P. Klïmov.

Urlıq іsі jıl basınan berі 16 %-ğa tömendegen. Tärtіp saqşılarına qılmıstardı aşwğa vïdeobaqılaw kameraları kömekteswde. Polïceyler aldağı jıldıñ qañtarınan bastap uyalı telefondardı mіndettі tіrkewge ümіt artıp otır. 

 

 

Joğarı qaray