Awa rayı
Nur-Sultan 14 °S
Almatı 25 °S
valyuta bağamı
USD 378.65
EUR 430.07
RUB 6.00
CNY 55.10

Іle Alatawı parkіne kіrw qunı ekі esege arzandadı

2019 jıldıñ 22 qañtar 2019 12:45 1203

ALMATI. QazAqparat - Almatı qalalıq mamandandırılğan tabïğat qorğaw prokwratwrası Іle Alatawı ulttıq parkі  jumısınıñ zañdılığın tekserdі, dep xabarlaydı QazAqparat tіlşіsі qalalıq prokwratwranıñ baspasöz qızmetіne sіlteme jasap.

Tekserw barısında ulttıq park awmağında jürіp-turw qunı negіzsіz qımbattağanı anıqtaldı.

Atap aytqanda, Salıq kodeksіnde ekologïyalıq posttarda ötw qunı 0,1 AEK - 252 teñge dep belgіlengen. Al Ulttıq park basşılığı 2018 jıldıñ 1 mawsımında twrïstіk marşrwttardı, soqpaqtardı, qaraw alañdarın paydalanğandarğa qosımşa 200 teñgeden tarïf belgіlew twralı buyrıq şığarğan.

Bіraq bul tarïf boyınşa bіrqatar şektew bar. Mäselen bul tarïf mawsım-qazan ayları aralığında ğana alınadı. Ärі kelwşіlerdіñ köpşіlіgі twrïstіk marşrwtqa şıqpay, tek qana dämxana men demalıs orındarına ğana barğan. Alayda Ulttıq park basşılığı bul tarïftі kelwşіlerden jıl boyı üzdіksіz alıp otırğan. 

Sonımen qatar, arnayı prokwratwra park basşılığı tarapınan kelwşіlerge twrïstіk marşrwtqa şığw üşіn arnayı jağday jasalmağanın ayttı. Osığan baylanıstı mamandandırılğan tabïğat qorğaw prokwrorınıñ talabımen Ulttıq parktіñ buyrığı küşіn joydı. Endі Іle Alatawı parkіne demalwğa kelgender 452 teñge emes, 252 teñge ğana töleytіn boldı.

Al park äkіmşіlіgіne saralanğan tarïf engіzwdі qolğa alw usınıldı.

 

 

 

 

Joğarı qaray