Aýa raıy
Astana 25 °S
Almaty 28 °S
valıýta baǵamy
USD 386.80
EUR 429.27
RUB 5.78
CNY 54.89

ІІM qyzmetkerleri arasynda jasyryn saýalnama júrgiziledi

2019 jyldyń 18 shilde 2019 17:53 236

NUR-SULTAN. QazAqparat – Qazaqstanda Іshki ister mınıstrligi qyzmetkerleri arasynda sybaılas jemqorlyq týraly jasyryn saýalnama ótedi, dep habarlaıdy QazAqparat tilshisi.

Bul týraly «Talap» qoldanbaly zertteýler ortalyǵynyń ókili Serik Berkamalov málim etti.

«ІІM qyzmetkerleri arasynda jemqorlyq túsinigi men ujymdaǵy qarym-qatynas jóninde jasyryn saýalnama júrgizemiz. Bul anketany sheteldik jáne qazaqstandyq úzdik áleýmettanýshylar eki aı boıy ázirledi. 2019 jyldyń tórtinshi toqsansynda ІІM qyzmetkerleri arasynda aýqymdy jasyryn saýalnama júrgiziledi», - dedi S. Berkamalov QR Sybaılas jemqorlyqqa qarsy Ulttyq bıýroda ótken brıfıngte.

Onyń aıtýynsha, anketa birneshe bólimnen quralǵan. Onyń bir bóligi ІІM sıpattamasyna, ıaǵnı vedomstvonyń qyzmetkerlerdi yntalandyrýyna arnalady. Saýalnamaǵa eń kemi 2 myń adam qatysýy tıis.

«Saýalnamanyń taǵy bir bóliginde jemqorlyq túsinigi, beıresmı qarym-qatynastyń qaı kezeńinde jemqorlyqtyń bastalatyny, ony qyzmetkerlerdiń qalaı túsinetini talqylanady. Aýyzsha alǵys aıtý nemese usaq syılyqtar jóninde suraq qoıylady. Úshinshi bólik jemqorlyq qarqyny men bólimshelerdiń bedeline arnalady. ıAǵnı, ІІM júıesindegi qaı bólimshelerde jemqorlyqtyń jıi kezdesetini suralady», - dedi spıker.

Sondaı-aq, S. Berkamalov qyzmetkerlerdiń ózin yńǵaısyz sezinbeýi úshin barlyq saýalnamanyń jasyryn júretinin jetkizdi.

«Saýalnama ІІM qyzmetine tek qana saraptama júrgizý úshin emes, naqty neni ózgertý qajettigin anyqtaý úshin júrgiziledi. Eń aldymen ІІM qyzmetinde qoldanylatyn normatıvtik-quqyqtyq aktilerge, buıryqtarǵa, ishki qyzmettik buıryqtarǵa taldaý jasalady. Jemqorlyq qaýipter tabylǵan jaǵdaıda usynymdar berip, ІІM qandaı ózgerister qajettigin aıtamyz», - dedi Serik Berkamalov.

Joǵary qaraı