Aýa raıy
Astana 18 °S
Almaty 34 °S
valıýta baǵamy
USD 384.52
EUR 431.32
RUB 6.10
CNY 55.89

ІІM chempıonatynda qaraǵandylyq polıtseıler kúmis júldeger atandy

2019 jyldyń 18 maýsym 2019 14:56 801

QARAǴANDY. QazAqparat - QR ІІM qyzmetkerleri arasynda prezıdenttik kópsaıystan el chempıonatynda Qaraǵandy oblysynyń polıtsııa departamenti qyzmetkerleri ekinshi oryndy ıelendi, dep habarlaıdy QazAqparat tilshisi.

Batys Qazaqstan oblysy Oral qalasyndaǵy «Dınamo» sport kesheninde QR quqyq qorǵaý organdary, arnaıy jáne kúsh qurylymdarynyń qyzmetkerleri arasynda prezıdenttik kópsaıys boıynsha VIII respýblıkalyq vedomstvoaralyq spartakıada jáne QR ІІM chempıonaty aıaqtaldy.

Oǵan QR ІІM, QR ІІM QSjAEK, QR UQK Shekara qyzmeti, QR Ulttyq gvardııasy, sondaı-aq oblys polıtsııalarynyń oblystyq departamentterinen 14 qurama qatysty. Kópsaıysshylar úsh kún boıy jaýyngerlik qarýdan atý, erkin stılmen júzý, uzyndyqqa sekirý, granata laqtyrý, qysqa jáne uzaq qashyqtyqqa júgirý boıynsha jarysty. Barlyq qatysýshylar jaýyngerlik rýh, shydamdylyq, kúsh pen jeńiske degen erik-jiger, shapshańdyq jáne eptilik kórsete bildi.

Spartakıada qorytyndysy boıynsha, QR ІІM komandasy 1259 upaı jınap, birinshi orynǵa ıe boldy. Ekinshi oryndy 1133 upaımen QR Ulttyq gvardııasynyń komandasy ıelendi. 1099 upaı jınaǵan QR ІІM QSQB komandasy úshinshi oryndy mise tutty. 


null 

QR ІІM chempıonatynda polıtsııa departamentteri komandalary arasynda prezıdenttik kópsaıys boıynsha Soltústik Qazaqstan oblysy PD komandasy alǵa shyqty. Ekinshi oryndy Qaraǵandy oblysynyń polıtsııa komandasy ıelendi. Respýblıkalyq jarysty uıymdastyrýshylar - Batys Qazaqstan oblysynyń PD komandasy qurmet tuǵyrynyń úshinshi satysyna kóterildi.    


null 

Jeke jarystarda tórt jas kategorııasynda QR ІІM SQQ qyzmetkerleri Dmıtrıı Shvarts pen Temirhan Kemalov, ulttyq gvardııashy Rýslan Esqalıev pen Sergeı Shýmkov jeńimpaz atandy.


null 

Jeke jarystardaǵy komandalar, jeńimpazdar men júldegerler kýboktarmen, medaldarmen, dıplomdarmen, «Dınamo» FSO jáne QR ІІM syılyqtarymen marapattaldy.

 

 

 

Joǵary qaraı