Aýa raıy
Astana 0 °S
Almaty 21 °S
valıýta baǵamy
USD 389.59
EUR 429.06
RUB 6.05
CNY 55.07

ІІM Atyraý oblystyq PD bastyǵyn qyzmetinen bosatý sebebin túsindirdi

2019 jyldyń 21 mamyr 2019 17:10

NUR-SULTAN. QazAqparat - Іshki ister mınıstriniń orynbasary Alekseı Kalaıchıdı Atyraý oblysy Polıtsııa departamentiniń bastyǵy Aıan Dúısenbaevtyń nelikten qyzmetinen bosatylǵanyn túsindirdi, dep habarlaıdy QazAqparat tilshisi.

«Shynynda da, mundaı jaǵdaı tirkeldi. Ózderińiz biletindeı, 13 mamyrda áleýmettik jelilerde Atyraý oblystyq Polıtsııa departamenti bastyǵynyń polıtsııa general-maıory shenin alýyna oraı uıymdastyrylǵan sharaǵa qatysqany týraly vıdeo tarady. Osyǵan baılanysty mınıstrdiń tapsyrýymen qyzmettik tergeý bastalyp, Atyraýǵa komıssııa 14 mamyrda jiberildi. Ol komıssııany ózim basqardym. Ol jerde tártiptik komıssııa ótkizdik. Sonyń qorytyndysy boıynsha mınıstrge (Erlan Turǵymbaevqa) Aıan Dúısenbaevty qyzmetinen bosatý týraly usynys joldadyq», - deıdi Alekseı Kalaıchıdı OKQ-da ótken baspasóz máslıhatynda.

Іshki ister vıtse-mınıstri departament bastyǵyn nelikten qyzmetinen bosatý týraly usynys bergenin de túsindirdi.

«11 mamyrda tártipti kúsheıtý kezinde ol dıslokatsııa aýmaǵynan - Atyraý qalasynan 300 shaqyrym jerge qyzmettik kólikpen shyǵyp ketken. Onyń ústine ekinshi qyzmettik kólikti alyp, birneshe bólimshe bastyǵyn ala ketken. Ol sol jaqta merekelik shara ótkizilgeli jatqanyn bilgen. Tıisinshe, vıdeodan at mingizip, shapan jabylyp jatqanyn kórdińizder. Ol keıin atty ıesine qaıtarǵanyn, tek qurmet úshin suralyp alynǵanyn túsindirdi», - deıdi ol.

Alekseı Kalaıchıdı óz sózinde departament bastyǵy naqty qandaı buzýshylyqtarǵa jol bergenin túsindirdi.

«Birinshiden, ol dıslokatsııa aýmaǵyn tastap ketip, basshylyq etetin bastyqtardy ala ketken. Oǵan qosa ol Maqat aýdanynyń ІІB bastyǵyn da ertip alǵan. Ózderińiz biletindeı, ishki ister organdarynyń basshylaryna erekshe talap qoıylady. Jalpy, bul talaptar boıynsha quqyq qorǵaýshy sypaıylyq tanytyp, jaǵymsyz qoǵamdyq rezonans týǵyzbaýy kerek. Bul jaǵdaıda qarapaıym azamattardan bastap Memleket basshysyna deıin bul shara tek jaǵymsyz pikir-paıymdardy týyndatty. Demek, qoǵamdyq rezonanstyń týǵany kózge uryp tur. Ekinshiden, qyzmettik kólik maqsatty turǵyda paıdalanylmaǵan. Úshinshiden, bul sharaǵa jeke quram da tartylǵan. Mine, osynyń bári jıylyp kelip, qyzmettik tergeý júrgizýge alyp keldi», - deıdi vedomstvo bastyǵynyń orynbasary.

Onyń aıtýynsha, tekserý qorytyndysy boıynsha jeke qaýipsizdik basqarmasynyń bastyǵy da qyzmetten bosatylǵan. Ol bul shara týraly mınıstrlikke habar bermegeni úshin jazalanyp otyr. Sonymen birge, bul merekelik sharaǵa qatysqan birqatar basshylar da qatań jaza alǵan.

Eske sala ketsek, QR Іshki ister mınıstrligi osy oqıǵa boıynsha budan buryn túsinikteme bergen edi. Al, QR Prezıdenti Qasym-Jomart Toqaev Atyraý oblystyq PD bastyǵynyń áreketin tekserýdi tapsyrǵan bolatyn.

Joǵary qaraı