Aýa raıy
Astana 5 °S
Almaty 11 °S
valıýta baǵamy
USD 389.94
EUR 433.50
RUB 6.10
CNY 55.13

Halyqqa nesıe «alyp beretin» Qostanaı turǵyny Aqmola oblysynan ustaldy

2019 jyldyń 22 mamyr 2019 03:09

KÓKShETAÝ. QazAqparat tilshisi - Aqmola oblysynyń polıtseıleri ınternet arqyly alaıaqtyq jasaǵan Qostanaı turǵynyn ustady, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.

«Aqmola oblysynyń polıtsııa departamenti azamattarǵa «Instagram», «VKontakte», «Odnoklassnıkı» áleýmettik jelilerinde, sondaı-aq OLX.kz, kolesa.kz, krisha.kz, market.kz sııaqty onlaın jarnama qabyldaıtyn platformalarda alaıaqtyq oqıǵasynyń kóbeıip ketkenin eskertýde», - deıdi vedomstvonyń baspasóz qyzmetindegiler.

Polıtseılerdiń málimeti boıynsha, Kókshetaý qalasy turǵynynyń aryzynan keıin 18 mamyr kúni oblys aýmaǵynda ınternet-alaıaqtyq jasaǵan Qostanaı oblysynyń turǵyny ustaldy. 22 jastaǵy alaıaqtyń arbaýyna túsken áıel «Qiwi Koshelek» arqyly 30 myń teńge aqshany aýdaryp jibergen.

Belgili bolǵandaı, kúdikti OLX.kz saıtyna nesıe tarıhy nashar tulǵalarǵa nesıe rásimdeýge kómektesetini týraly jarnama ornalastyryp, telefon nómirin qaldyrǵan. Kúdikti ózin nesıe fırmasynyń ókili retinde tanystyrǵan. Biraq fırmanyń ataýyn kórsetpegen. Zardap shegýshimen «WhatsApp» arqyly hat alysyp, bankten nesıe alý úshin qyzmet aqysyn aýdarý qajettigin aıtqan.

«Alaıaqtyq jasaýdyń joldary kóp. Alaıaqtardyń kóbi psıhologııalyq ádisti jıi qoldanady: bir jaǵynan naryqtaǵydan tómen baǵa usynsa, ekinshi jaǵynan jedeldilikti alǵa tartady. ıAǵnı adamǵa oılanýǵa ýaqyt bermeıdi. Áleýmettik jelilerdegi, tanymal servıstegi jarnamalarǵa kóńil bólip, aldyn ala tólem jasaýǵa kelispeý kerek. Eshqashan, eshkimge qujattardyń kóshirmesin bermeńizder. Qaskóıler ony aramza maqsatta paıdalanýy múmkin», - deıdi Aqmola oblysynyń PD KPB polıtsııa qyzmetkerleri.

Aıta ketý kerek, jyl basynan beri Aqmola oblysynda ınternet-alaıaqtyqqa qatysty 105 oqıǵa tirkelgen.

Joǵary qaraı