Aýa raıy
Astana -4 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Gúlshara Ábdiqalyqova kópbalaly otbasynyń shańyraǵynda boldy

2019 jyldyń 14 naýryz 2019 16:14

ORAL. QazAqparat - QR Premer-mınıstriniń orynbasary Gúlshara Ábdiqalyqova BQO-ǵa jumys sapary barysynda Báıterek aýdanynda boldy, dep habarlaıdy QazAqparat tilshisi.

Úkimet basshysynyń orynbasary QR Eńbek jáne halyqty áleýmettik qorǵaý mınıstri Berdibek Saparbaevpen jáne óńir basshysy Altaı Kólginovpen birge aýdan ortalyǵy Peremetnyı aýylyndaǵy Ońǵarbaı Abylaevtyń sharýashylyǵynda boldy.

Mal sharýashylyǵymen aınalysatyn Abylaevtar otbasy bes balany tárbıelep otyr.


null

Mártebeli meımandar otanasy Gúlshat Imanqulqyzynyń ıeligindegi «Jansaıa» jeke kásipkerliginiń tynys-tirshiligimen tanysty.

Úıdiń aýlasynda ornalasqan tsehta sút ónimderinen túrli taǵamdar daıyndalady. Munda qurt jasaıtyn stanok ta bar.


null

Ońǵarbaı Abylaevtyń sózine qaraǵanda, ózderi 2008 jyly Ózbekstannan kóship kelgen. Zaıyby Gúlshat Muratqazıevamen birge «Jumyspen qamtý - 2020» baǵdarlamasy aıasynda qarjyǵa qol jetkizip, eńbek etken. Qazirgi kezde 8-9 bas iri qaranyń ónimin óndirip, satýda. Súttiń lıtri 200 teńgeden, ettiń kelisi 1500 teńgeden aınalady.

Kásipkerlik 5-synypta oqıtyn Jansaıanyń esimimen atalǵan. Ol - oqý ozaty. Eńbekqor qyz qoly tıgende, anasyna kómektesedi. Kúnine tórt ústel taqtaıshasynda qurt jasaıdy.

Úkimet músheleri Abylaevtar otbasynyń eńbekqorlyǵyna rıza bolyp, Astanadan alyp kelgen dámderin usyndy. Al Berdibek Saparbaev Gúlshattyń qolynan qurt satyp aldy.


null

Qonaqtar jeke kásipkerliktiń jyly da jaryq qorasynda da bolyp, sıyr men buzaýlardyń jaı-kúıine nazar aýdardy.

Vıtse-premer bastaǵan top sapar barysynda Báıterek aýdandyq jumyspen qamtý ortalyǵynda bolyp, aqsaqaldarmen júzdesip, olardy Kórisý kúnimen quttyqtady.


null

Gúlshara Ábdiqalyqova sapar maqsaty Elbasy tapsyrmasyna sáıkes qolǵa alynǵan jańa áleýmettik sharalardy el-jurtqa tanystyrý, az qamtylǵan jáne kópbalaly otbasylardyń jaı-kúıin kózben kórip, qordalanǵan máselelerdiń sheshilýine tikeleı atsalysý ekendigin atap ótti.

Aıta keteıik, aýdandyq jumyspen qamtý jáne áleýmettik baǵdarlamalar bóliminen alynǵan málimetke qaraǵanda, kúni búgin Báıterekte 87 otbasyǵa jańa turpattaǵy ataýly áleýmettik kómek taǵaıyndaldy. Aldaǵy 1 sáýirden bastap 450 otbasy qosylmaq. Aýdan boıynsha 756 kópbalaly otbasyǵa áleýmettik karta jasaldy.

Úkimet músheleri sondaı-aq Oral qalasyndaǵy birneshe kópbalaly otbasynda bolyp, jaǵdaılaryn surap bildi.

Gúlshara Ábdiqalyqova sonyń ishinde jylqy ustap, qymyz óndirýmen aınalysatyn qala turǵyny Aqylbek Ishanovtyń qolǵa alǵan kásibine den qoıdy.

Kishkentaıynan atqumar bolyp ósken A. Ishanov ótken jyly «Ishanov» jeke kásipkerligin qurǵan bolatyn. Ondaǵy maqsaty jylqynyń myń bir dertke em saýmalymen qymyzyn keńinen nasıhattap, ulttyq sýsynymyzdy ər qazaqtyń dastarhanyna jetkizý, sondaı-aq jylqymen serýendeý arqyly emdelý, jylqyǵa qatysty ulttyq sport túrlerin damytý, atqa minýdi qala qazaqtary ómiriniń ajyramas bir bóligine aınaldyrý edi.


null

«Baǵytymyz aıqyn, suranystyń bar ekenine az ýaqytta kóz jetkizdik. Saýmal em bolyp, aýrýdyń nebir asqynǵan túrlerinen beti beri qaraǵan jandar boldy,qalamyzdaǵy tirek-qımyly buzylǵan balalarǵa tegin ıppoterapııa qyzmetin kórsettik. Degenmen qalada mal ustaýdyń óz qıyndyǵy jetip artylady. Bul kəsipti dóńgeletýdiń túrli joldaryn kórip tursaq ta, bıznestiń damýy kóp qarajatty talap eteri aıtpasa da túsinikti. Biz jaı ǵana bilim salasynda qyzmet ete júrip, osy kəsipke alǵashqy jarnamyzdy quıa bastadyq. Ótken jyly jańadan is bastaıtyn kəsipkerlerge beriletin tegin grantty ıelendik. Alaıda oǵan tek kəsipke arnalǵan qural-jabdyqtar alýǵa ruqsat etildi. Endigi maqsatymyz - jylqy basyn kóbeıtip, kəsipti keńeıtý. Qala shetinen emdik-saýyqtyrý keshenin turǵyzý.Osyndaı oı-pikirlerimizge qulaq asqan Gúlshara Əbdiqalyqova kəsipkerlik úshin ərqashan qoldaý bolatynyn jetkizdi. Óz kezeginde óńir basshysy Altaı Kólginov arnaıy qabyldap, məselemizdi ońynan sheshýge ýəde etti», dedi QazAqparat tilshisine A.Ishanovtyń zaıyby Aqmonshaq Maqsotqyzy.

Joǵary qaraı