Awa rayı
Nur-Sultan 16 °S
Almatı 16 °S
valyuta bağamı
USD 379.59
EUR 429.43
RUB 5.91
CNY 56.58

Gülşara Äbdіqalıqova bastağan Ükіmet tobı aqtöbelіk stwdenttermen kezdestі

2019 jıldıñ 14 nawrız 2019 18:06 994

AQTÖBE. QazAqparat - Bügіn tüsten keyіn Aqtöbe oblısına kelgen QR Premer-mïnïstrіnіñ orınbasarı Gülşara Äbdіqalıqova bastağan Ükіmet tobı Q.Jubanov atındağı Aqtöbe öñіrlіk wnïversïtetіnde jastarmen kezdestі, dep xabarlaydı QazAqparat tіlşіsі.

Aqtöbe oblısına kelgen Ükіmettіñ jumıs tobı aldımen Q.Jubanov atındağı Aqtöbe öñіrlіk wnïversïtetіnіñ jastarımen kezdesw ötkіzdі. Jastar sarayı kürdelі jöndewden ötіp, munda kïno zalı, mäjіlіs zalı men sän stwdïyası aşılğan. Ükіmet tobına jastar bіrneşe surağı men usınısın ayttı.

«Jastar üşіn jumıssızdıq mäselesі bіrіnşі orında turadı. Jumıssızdıqtıñ aldın alw üşіn öñіrdegі 160-tan astam käsіporın öz qarjısına stwdentterdі oqıtıp jatır. Stwdentter maman atanğan soñ bіrden jumısqa ornalasadı. Munda ekі mäsele bіrden şeşіmіn tabadı. Bul öndіrіstegі kadr jetіspewşіlіgі men jastar arasındağı jumıssızdıq. Bul joba Qazaqstannıñ özge JOO-larında іske asırılsa ülken problema şeşіletіn edі», - dedі fïlologïya fakwltetіnіñ stwdentі Aslan Äbwov. Sonımen qatar, kezdesw kezіnde Qaraqalpaqstannan kelіp, tegіn bіlіm alıp jatqan stwdentterdіñ jayı aytıldı. Qazіrgі waqıtta Aqtöbe wnïversïtetіnde 850 stwdent bar. Bärі de wnïversïtet esebіnen bіlіm alıp jür. Olar Bіlіm jäne ğılım mïnïstrlіgіnen arnayı grant bölwdі suradı.



«Jıl sayın bölіnetіn memlekettіk granttıñ 2 payızı qazaq dïasporasınıñ balalarına berіletіn edі. Qazіr 4 payızğa köterіldі»,- dedі QR Bіlіm jäne ğılım mïnïstrі Küläş Şämşïdïnova.

Ayta keteyіk, kezdesw kezіnde QR Premer-mïnïstrіnіñ orınbasarı Gülşara Äbdіqalıqova jastarğa ülken senіm artılğanın jetkіzdі.

«Batıs ölkede bolıp jatqan dästürge baylanıstı Körіsw künіmen şın jürekten quttıqtaymın. Bïıl Jastar jılı dep te jarïyalandı. Mundağı maqsat meyram ötkіzw emes, jastardıñ talabına jol aşıp, olardıñ qoldan keler mümkіndіgіn körsetwge septіgіn tïgіzw. Respwblïka boyınşa jastar mäselesіne baylanıstı 26 mïllïard teñge qarastırılıp otır. Bіlіm bastı orında boladı. JOO-larğa Nazarbaev Wnïversïtettіnіñ standarttarı engіzіledі. Jumıspen qamtw mäselesіnde «Atameken» UKK-men bіrge jumıs atqarıladı. Wnïversïtettіñ dayındağan kadrı jumısqa ornalassa, bul da bastı körsetkіş boladı. Sonımen qatar, jastar jastarğa kömek körsetwі kerek», - dedі Gülşara Äbdіqalıqova.





Ükіmettіñ QR Premer-Mïnïstrіnіñ orınbasarı Gülşara Äbdіqalıqova bastağan älewmettіk blogınıñ bіrіnşі basşılarınan quralğan jumıs tobı Elbasınıñ «Älewmettіk qamqorlıq» jaña älewmettіk şaraların іske asırw boyınşa aqparattıq-tüsіndіrw jumıstarın jürgіzw üşіn öñіrlerge saparın bastağan bolatın. 







Joğarı qaray