Aýa raıy
Astana -4 °S
Almaty 10 °S
valıýta baǵamy
USD 389.34
EUR 428.78
RUB 6.05
CNY 55.45

Gúlmıra Isımbaeva balabaqsha júıesindegi alańdatatyn jaǵdaıdy atady

2019 jyldyń 21 qazan 2019 10:32

NUR-SULTAN. QazAqparat – Mektepke deıingi uıymdar jelisine 3 – 6 jastaǵy balalardyń 95,2 paıyzy qamtylǵan. Bul týraly QR Parlamenti Májilisi tóraǵasynyń orynbasary Gúlmıra Isımbaeva málim etti, dep habarlaıdy QazAqparat tilshisi.

«Bizdiń memleketimiz árdaıym bilim men ǵylym salasyna erekshe kóńil bólip, qomaqty qarjy jumsap, ony damytý sharalaryn iske asyryp keledi. Sonyń biri - Qazaqstan Respýblıkasynda bilim berýdi jáne ǵylymdy damytýdyń 2016 – 2019 jyldarǵa arnalǵan memlekettik baǵdarlamasy.

Búgingi kúni, Bilim jáne ǵylym mınıstrliginiń aqparaty boıynsha, baǵdarlamanyń basym bóligi iske asyrylyp, kórsetkishter oryndalyp jatyr jáne onyń belgili bir nátıjeleri de bar. Máselen, mektepke deıingi uıymdar jelisi kóbeıip, 3 – 6 jastaǵy balalardyń 95,2 paıyzyn qamtýǵa múmkindik bergen. Qamtý deńgeıi joǵary, biraq áli 500 myńnan astam bala óz kezegin kútip otyr. Onyń ishinde 1 – 3 jas aralyǵyndaǵy 437 myń bala bar. Osy sanattaǵy balalardy tolyq qamtý turǵysynan tıisti sharalar qabyldap, olardyń da esebin júrgizý qajet», - dedi G. Isımbaeva Bilim berýdi jáne ǵylymdy damytýdyń 2016-2019 jyldardaǵy baǵdarlamanyń iske asyrylýyna arnalǵan Májilistegi Úkimet saǵatynda.

Onyń sózine qaraǵanda, balabaqshalardy tıisti mamandyǵy bar kadrlarmen qamtý boıynsha josparlanǵan 50 paıyzdyq kórsetkishi artyǵymen oryndalyp, qazir 60 paıyzǵa jýyqtap qaldy.

«Degenmen, mektepke deıingi uıymdarda bala tárbıesimen jáne olardy oqytýmen aınalysatyn qyzmetkerlerdiń 40 paıyzǵa jýyǵynda tıisti bilimniń bolmaýy alańdatady. Al mektepke deıingi bilim berý bastaýysh bilim sekildi - tutas bilim berýdiń negizi bolyp tabylady. Mektepke deıingi uıymdardy bilikti mamandarmen qamtamasyz etý - bilim berý júıesiniń basym mindetteriniń biri bolýǵa tıis», - dedi Májilis tóraǵasynyń orynbasary.

Joǵary qaraı