Aýa raıy
Astana 9 °S
Almaty 13 °S
valıýta baǵamy
USD 389.62
EUR 429.98
RUB 6.06
CNY 55.08

Google-ge ár sekýnd saıyn 63 myń izdeý suranysy jasalady

2019 jyldyń 22 sáýir 2019 08:20

NUR-SULTAN. QazAqparat - «1998 jylǵa deıin adamdar eń iri izdeý júıesinsiz de ómir súrdi. Degenmen, búgingi tańda jumysta da, jalpy, ómirde de Google-syz is tyndyra alamyz ba?», dep jazady The Guardian basylymy.

Basylym avtory arnaıy eksperıment jasap, bir apta Google izdeý júıesin múldem ashpaǵan. Avtor tájirıbe basynda óziniń qınalǵanyn jasyrmady.

«Google-dy ómirińnen syzyp tastaý - óte úlken is. Google kartasy jol tabýyma kómektesedi, Google meniń qosymshalarymdy basqarady. Google YouTube ıesi. ıAǵnı, men tájirıbe barysynda izdeý júıesinen, braýzerden, kartadan, YouTube jelisinen bas tarttym. Osylaısha men ózimdi mısyz qalǵandaı sezindim. Google - meniń mıym eken ǵoı dep oıladym», dep jazady avtor. Onyń jazýynsha, avtor onlaın júıelerge úırengen mı tipti tereń oılaýǵa da qınalatynyn túsingen.

«Google bizdiń kóńilimizdi aýlap turady eken. On jyl buryn biz ınternette kóp ýaqyt ótkizgenimizben, onlaın men offlaındy ajyrata alatynbyz. Al qazir ınternette ómir súretin bolyppyz», deıdi ol.

Avtordyń aıtýynsha, Google ár sekýnd saıyn 63 myń, jylyna 2 trln izdeý suranysyn alady.

«Google men basqa platformalar bizdiń nazarymyzdy aýdarady. Osylaısha biz ózimizdi qorshaǵan ortaǵa, aınalamyzǵa múldem nazar aýdarmaımyz. Jalqaýlyq, sengishtik pen órkókirektik bizdiń táýeldi ómir súrýge qushtar ekenimizdi dáleldeıtindeı. Árıne, men bankke baryp kezekke turý, dúken jabyq bolǵandyqtan taýar satyp ala almaý sekildi jaǵdaılardan qutylǵanyma qýanyshtymyn. Degenmen, Google bizge syılaǵan barlyq jeńildik úshin biz de aqy tóledik: biz ómirimizdegi kútpegen sátter men qýanyshtardan bas tarttyq», dep jazady avtor.

Avtor Aıkúmis Bolatbek
Basty sózder: Internet, Álem,
Joǵary qaraı