Awa rayı
Nur-Sultan 5 °S
Almatı 12 °S
valyuta bağamı
USD 379.36
EUR 424.47
RUB 5.88
CNY 54.95

Golovkïnmen qoştasqan bapkerі Sançes öz aşwın jasıra almadı

2019 jıldıñ 25 säwіr 2019 09:30 1756

NUR-SULTAN. QazAqparat - Orta salmaqtağı burınğı älem çempïonı Gennadïy Golovkïnnіñ burınğı bapkerі Abel Sançes boksşı mansabına qatıstı keybіr derekterdі jayıp saldı, dep xabarlaydı QazAqparat Sports.kz-ke sіlteme jasap.

Gennadïy bapkerі Sançespen kelіsіmşarttı üzetіndіgіne qatıstı mälіmdemesіnde sıpayılıq saqtağan bolsa, Abel öz suxbatında boyın kernegen ızasın jasıra almadı. Oğan bapkerlіk qızmetі üşіn aqınıñ qısqaratını unamağan. Artınşa, munıñ astarında aqşa mäselesі jatqanın ayttı.

«Jaqsılıqtı bіlmeytіn aşköz. Ol jwırda ğana DAZN-men 100 mïllïon dollarğa kelіsіmşart jasastı. Budan keyіn aqşa jetpeytіndіgіn alğa tartıp, tübegeylі şarağa barwğa mäjbür ekendіgіñіzdі aytwğa bola ma? Osınıñ bärі aqşa üşіn. Men olardıñ bul qorlığına şıday almas edіm. Bul ızañdı keltіredі. Sebebі bul jіgіt munday qadamğa baratının eşqaşan oylağan emespіn. Onı uyatı bar, adal, tärbïelі dep oylaytınmın. Bul onı osınşama özgertetіnіn oylamappın. Men ızağa bwlığıp otırmın», - dedі Sançes ESPN-ge bergen suxbatında.

Qazaqstandıq boksşı Gennadïy Golovkïn meksïkalıq bapkerі Abel Sançespen jumısın toqtatqanı twralı buğan deyіn xabarlağan bolatınbız.

«Men özіm üşіn, mansabım üşіn mañızdı şeşіm qabıldağanımdı jetkіzgіm keledі. Jetіstіkterіme süyene otırıp, özіmdі jetіldіre tüskіm keledі. Sondıqtan endі Abel Sançespen jattığw ötkіzbeymіn. Bul men üşіn oñay şeşіm bolğan joq ärі munıñ Abeldіñ käsіbï qabіletіne de eş qatısı joq. Ol - tamaşa bapker, jumısına adal, Dañq zalına atı jazılğan bapker. Jaña bapkerіm twralı keyіnіrek xabarlaymın. Al bügіn boksta bergen sabaqtarı üşіn Abelge alğıs aytamın», - dedі ol. 

 

 

 

 

 

Bastı sözder: Gennadïy Golovkïn, Boks, Sport,
Joğarı qaray