Awa rayı
Nur-Sultan 6 °S
Almatı 15 °S
valyuta bağamı
USD 379.36
EUR 424.47
RUB 5.88
CNY 54.95

Golovkïn aldağı ayqası twralı: Ekewіmіzge de üyge aman-esen oralwdı tіleymіn

2019 jıldıñ 23 säwіr 2019 08:27 2849

NUR-SULTAN. QazAqparat - Nyu-Yorkte WBA Super, WBC, IBF jäne IBO nusqaları boyınşa orta salmaqtağı älemnіñ eks-çempïonı Gennadïy Golovkïn (38-1-1, 34KO) men onıñ aldağı jekpe-jektegі qarsılası kanadalıq Stïv Rolls (19-0, 10KO) baspasöz mäslïxatın ötkіzdі. Bul twralı VKontakte älewmettіk jelіsіndegі «Qazaqstannıñ käsіpqoy boksı» paraqşasında jazıldı, dep xabarlaydı QazAqparat.

Golovkïn boksqa qayta oralğanına qwanıştı ekenіn jasırmadı. Ol Madison Square Garden arenasın özіnіñ ekіnşі üyі dep atadı. Golovkïn bul jerde 5 jekpe-jegіn ötkіzgen. Rollspen 8 mawsımda bolatın ayqas ta tap osı jerde uyımdastırıladı.

«Bul kezdeswdі qabıldawğa kelіskenі üşіn MSG arenasına alğıs aytamın. Men munda köptegen jekpe-jegіmdі ötkіzdіm: munda janküyerler, atmosfera keremet!», - dedі ol.

Budan keyіn GGG janküyerlerge tamaşa şow körsetwge wäde ettі. Sebebі onıñ jäne Rolsstıñ käsіpqoy bokstağı künderі sanawlı.  Osı rette ol özіne jäne qarsılasına densawlıq tіledі. «Sportşığa sportşı retіnde aytarım, osı jerde ne aytılsa da, ol rïngte tek ekewіmіz ğana bolatınımızdı bіledі. Eñ mıqtısı jeñedі. Oğan sättіlіk tіlegіm keledі. Ekewіmіzge de üyge aman-esen oralwdı tіleymіn. Köp waqıt qalmadı, bіraq bіz fanattarğa tamaşa şow sıylağımız keledі», - dedі ol.

Öz kezegіnde Rolls Golovkïnge qurmet bіldіre otırıp, aldağı ayqasına öz josparı barın jetkіzdі. «Jañalıqtardı oqıdım. Onda bіzdіñ ayqastı boy qızdırw jekpe-jegі dep atağan eken. «Stïv Rolls kіm?» dep surap jatır. Sınşılar men fanattarğa aytarım, men 8 mawsım künі judırıqtaswğa şığamın, olarğa kіm ekenіmdі körsetemіn. Osı keşten keyіn men twralı umıtpaytın bolasızdar! Gennadïydі qattı qurmetteymіn. Bіraq 8 mawsım künі älemdі eseñgіretwge bel baylap otırmın!», - dedі kanadalıq boksşı.

Rollstıñ promowterі Lw DïBella qolastındağı şäkіrtіne senіmdі bolsa da, Gennadïyge qurmetіn jasırmadı. «Golovkïn - älemnіñ eñ üzdіk boksşılarınıñ bіrі, tarïxta bolğan orta salmaqtağı eñ üzdіk sportşı, öz bwınınıñ eñ üzdіk boksşısı jäne Dañq zalınıñ keleşek müşesі. Bul jіgіttі ulı etkenі, onıñ ärdayım bar küş-jіgerіn salatını jäne kez kelgen ayqasqa käsіbï turğıda dayın boladı», - dedі ol.

Eske salayıq, baspasöz mäslïxatınan keyіn qos boksşınıñ köz arbasw räsіmі öttі.

Buğan deyіn Gennadïy Golovkïn  8 mawsım künі Madison Square Garden arenasında ötetіn jekpe-jegіne bïletter satıla bastağanın xabarlağan bolatın.  


null 

 

 

Avtor: Mïra Tölendіqızı
Bastı sözder: Sport, Boks, Gennadïy Golovkïn,
Joğarı qaray