Aýa raıy
Astana 6 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Golovkın aldaǵy aıqasy týraly: Ekeýimizge de úıge aman-esen oralýdy tileımin

2019 jyldyń 23 sáýir 2019 08:27

NUR-SULTAN. QazAqparat - Nıý-Iorkte WBA Super, WBC, IBF jáne IBO nusqalary boıynsha orta salmaqtaǵy álemniń eks-chempıony Gennadıı Golovkın (38-1-1, 34KO) men onyń aldaǵy jekpe-jektegi qarsylasy kanadalyq Stıv Rolls (19-0, 10KO) baspasóz máslıhatyn ótkizdi. Bul týraly VKontakte áleýmettik jelisindegi «Qazaqstannyń kásipqoı boksy» paraqshasynda jazyldy, dep habarlaıdy QazAqparat.

Golovkın boksqa qaıta oralǵanyna qýanyshty ekenin jasyrmady. Ol Madison Square Garden arenasyn óziniń ekinshi úıi dep atady. Golovkın bul jerde 5 jekpe-jegin ótkizgen. Rollspen 8 maýsymda bolatyn aıqas ta tap osy jerde uıymdastyrylady.

«Bul kezdesýdi qabyldaýǵa keliskeni úshin MSG arenasyna alǵys aıtamyn. Men munda kóptegen jekpe-jegimdi ótkizdim: munda jankúıerler, atmosfera keremet!», - dedi ol.

Budan keıin GGG jankúıerlerge tamasha shoý kórsetýge ýáde etti. Sebebi onyń jáne Rolsstyń kásipqoı bokstaǵy kúnderi sanaýly. Osy rette ol ózine jáne qarsylasyna densaýlyq tiledi. «Sportshyǵa sportshy retinde aıtarym, osy jerde ne aıtylsa da, ol rıngte tek ekeýimiz ǵana bolatynymyzdy biledi. Eń myqtysy jeńedi. Oǵan sáttilik tilegim keledi. Ekeýimizge de úıge aman-esen oralýdy tileımin. Kóp ýaqyt qalmady, biraq biz fanattarǵa tamasha shoý syılaǵymyz keledi», - dedi ol.

Óz kezeginde Rolls Golovkınge qurmet bildire otyryp, aldaǵy aıqasyna óz jospary baryn jetkizdi. «Jańalyqtardy oqydym. Onda bizdiń aıqasty boı qyzdyrý jekpe-jegi dep ataǵan eken. «Stıv Rolls kim?» dep surap jatyr. Synshylar men fanattarǵa aıtarym, men 8 maýsym kúni judyryqtasýǵa shyǵamyn, olarǵa kim ekenimdi kórsetemin. Osy keshten keıin men týraly umytpaıtyn bolasyzdar! Gennadııdi qatty qurmetteımin. Biraq 8 maýsym kúni álemdi eseńgiretýge bel baılap otyrmyn!», - dedi kanadalyq boksshy.

Rollstyń promoýteri Lý DıBella qolastyndaǵy shákirtine senimdi bolsa da, Gennadııge qurmetin jasyrmady. «Golovkın - álemniń eń úzdik boksshylarynyń biri, tarıhta bolǵan orta salmaqtaǵy eń úzdik sportshy, óz býynynyń eń úzdik boksshysy jáne Dańq zalynyń keleshek múshesi. Bul jigitti uly etkeni, onyń árdaıym bar kúsh-jigerin salatyny jáne kez kelgen aıqasqa kásibı turǵyda daıyn bolady», - dedi ol.

Eske salaıyq, baspasóz máslıhatynan keıin qos boksshynyń kóz arbasý rásimi ótti.

Buǵan deıin Gennadıı Golovkın 8 maýsym kúni Madison Square Garden arenasynda ótetin jekpe-jegine bıletter satyla bastaǵanyn habarlaǵan bolatyn.



null

Joǵary qaraı