Aýa raıy
Astana 9 °S
Almaty 12 °S
valıýta baǵamy
USD 389.62
EUR 429.98
RUB 6.06
CNY 55.08

Gollıvýdtyń tanymal kınoprodıýserleri Qazaqstanǵa keledi

2019 jyldyń 18 maýsym 2019 00:29

NUR-SULTAN. QazAqparat - AQSh-tyń kıno salasynyń áıgili mamandary otandyq kıno ındýstrııamen qatar elimizdiń tabıǵaty jáne arhıtektýrasymen tanysatyn bolady. Bul týraly Ulttyq kınony qoldaý memlekettik ortalyǵynyń basqarma tóraǵasy Andreı Hazbýlatov XV halyqaralyq «Eýrazııa» kınofestıvaliniń ótýine oraı QR Mádenıet jáne sport mınıstrliginde ótken baspasóz máslıhatynda málim etti, dep habarlaıdy QazAqparat tilshisi.

«Warner Bros., LIONSGATE, NBC Universal, Warner Horizon, The Discovery, Global Film Solutions sekildi Gollıvýdtyń kıno kompanııalarynyń prodıýserleri Qazaqstanda keledi. Biz olar úshin FAM (Familiarization) týr uıymdastyrmaqpyz. Olar bizdiń elimizdiń alýan túrli fılmge arnalǵan lokatsııa jáne peızajdarymen tanysady. Sondaı-aq, Qazaqfılm kınostýdııasynyń jumysyn kórsetemiz. Odan bólek, Nur-Sultan, Almaty qalalarynyń arhıtektýralyq nysandarymen qatar, Almaty oblysy men elimizdiń batys óńirlerin kórsetetin bolamyz. Gollıvýdtyń prodıýserler toby elimizde bir apta boıy bolyp atalǵan óńirlerdi kórip shyǵady», - dedi A. Hazbýlatov.

Odan bólek, ortalyq basshysy ulttyq fılmder óndirisine qoldaý bildirý maqsatynda kınojobalarǵa baıqaý jarııalanǵanyn aıtyp ótti.

«Jýyrda ótetin Eýrazııa halyqaralyq kınofestıvaliniń aıasynda bizdiń ortalyq birlesip kıno túsirýge ótinim qabyldaýdy ashyq dep jarııalaıdy. ıAǵnı kınojobalardy qabyldap, irikteýden ótken avtorlar óz jobasyn qorǵaıdy. Qorǵaýdan soń sátti dep tanylǵan jaǵdaıda kınotýyndyny ortalyqtyń qoldaýymen, birlesip júzege asyratyn bolamyz», - dedi A. Hazbýlatov.

Atalǵan kınojobalar baıqaýyna qatysty tolyq aqparatty www.filmkazakhstan.com saıty arqyly tanysýǵa bolady.

Óz kezeginde amerıkandyq «Jahandyq saıasat bastamalary» kompanııasynyń prezıdenti Djeı Fıtlýk Qazaqstan men AQSh-tyń kıno salasy mamandarynyń qolǵa alyp otyrǵan birlesken jobaǵa qatysty óz pikirin bildirdi.

«Iá, kınofestıval aıasynda Amerıkanyń bedeldi kınoprodıýserlerin shaqyryp otyrmyz. Negizinen alǵanda bul eki jaq úshinde tıimdi usynys bolyp tabylady. Birinshiden, Qazaqstannyń ishki kınoındýstrııasyn ilgeriletýge asa mán berilse, ekinshiden Gollıvýd úshin Qazaqstan jańa ári qyzyqty geografııalyq aımaq. Taǵy bir erekshe aıtyp ótetin jaıt, bul joba Qazaqstannyń tuńǵysh prezıdenti Nursultan Nazarbaevtyń AQSh-qa resmı sapary kezindegi kezdesýlerdiń nátıjesinde júzege asyrylǵaly otyr. Óıtkeni, dál sol kezde sizderdiń memleket basshylaryńyz AQSh-tyń kınoındýstrııa qaýymdastyǵynyń basshysy Geıl MakKınnonmen kezdesti. Kezdesý barysynda kıno óneri salasynda ekijaqty birlesip jumys isteý kelisimine qol jetkizdi», - dedi ol.

Aıta ketsek, buǵan deıin Qazaqstanda áıgili «Forsaj» fılminiń epızodyn túsirý múmkindigi qarastyrylyp jatqanyn habarlaǵan bolatynbyz.

Avtor Álı Ibraev
Basty sózder: Nur-Sultan, Mádenıet,
Joǵary qaraı