Aýa raıy
Astana -4 °S
Almaty -1 °S
valıýta baǵamy
USD 389.75
EUR 434.26
RUB 6.12
CNY 55.05

Geteniń eńbekteri qazaqsha kitap bolyp shyqty

2019 jyldyń 29 tamyz 2019 14:48

NUR-SULTAN. QazAqparat - Qazaqstan halqy Assambleıasy tóraǵasynyń orynbasary Janseıit Túımebaev nemistiń uly aqyny Geteniń týǵanyna 270 jyl tolýyna arnalǵan «Adamzattyń alyp aqyny» atty poetıkalyq keshke qatysty. Bul týraly QazAqparat Assambleıanyń baspasóz qyzmetine silteme jasap habarlaıdy.

Іs-shara aıasynda nemis halqynyń uly aqyny I.V. Geteniń «Batys-shyǵys jınaǵy» atty nemis jáne qazaq tilderindegi (qazaqshaǵa aýdarǵan Tóregeldi Tuıaqbaı) kitabynyń tusaýkeseri ótip, «Gete – 270 jasta» atty kitap kórmesi uıymdastyryldy.




Merekelik jıynnyń negizgi maqsaty – uly aqynnyń adamgershilik ómirimen tanystyrý, onyń fılosofııasyn, kózqarasyn, rýhanı murasyn, poetıkalyq shyǵarmalary men ánderin kópshilikke taratý bolyp tabylady.

Іs-sharaǵa Nemis tili ortalyǵynyń basshysy Gýlnara Fahrýdınova, tarıh ǵylymdarynyń doktory, «Egemen Qazaqstan» respýblıkalyq gazeti» aktsıonerlik qoǵamynyń Basqarma tóraǵasy Darhan Qydyráli, jazýshy, fılologııa ǵylymdarynyń doktory Tursyn Jurtbaı, L.N. Gýmılev atyndaǵy Eýrazııa Ulttyq ýnıversıteti shet tili fılologııasy kafedrasynyń meńgerýshisi Aıgúl Bıshkenova jáne t.b. qatysty.

Gete – bir ulttyń uly bolyp týyp, búkil adamzattyń tulǵasyna aınalǵan aqyn, talantyna álem bas ıgen klassık-jazýshy, fılosof, ǵalym jáne óz zamanynyń yqpaldy memlekettik qaıratkeri. Sondyqtan da, búgin búkil órkenıetti álem uly tulǵanyń mereıtoıyna arnalǵan mádenı, ǵylymı is-sharalar ótkizýde.

Qazaq jerinde Getege degen qyzyǵýshylyq budan bir jarym ǵasyrǵa jýyq ýaqyt buryn týyndaǵany belgili. Onyń eńbekteri uly Abaıdyń, Shákárimniń, Máshhúr-Júsiptiń, Medeýbaı Qurmanovtyń, qazaqtyń basqa da aqyndarynyń aýdarmalary arqasynda jan-jaqqa tarap, buqara halyqqa jetken. Gete tulǵasyna, onyń shyǵarmashylyǵyna degen qyzyǵýshylyq eshqashan toqtaǵan emes»- dep atap ótti óz sózinde J.Túımebaev QR Ulttyq akademııalyq kitaphanasynda ótken sharada.

Joǵary qaraı