Aýa raıy
Astana 11 °S
Almaty 17 °S
valıýta baǵamy
USD 389.52
EUR 429.21
RUB 6.07
CNY 54.94

Gennadıı Golovkın bapkeri Sanchespen kelisimshartty úzgenin málimdedi

2019 jyldyń 25 sáýir 2019 08:41

NUR-SULTAN. QazAqparat - Orta salmaqtaǵy burynǵy álem chempıony Gennadıı Golovkın meksıkalyq bapkeri Abel Sanchespen jumysyn toqtatty, dep habarlaıdy QazAqparat «SPORTINFORM» SAA-ǵa silteme jasap.

«Men ózim úshin, mansabym úshin mańyzdy sheshim qabyldaǵanymdy jetkizgim keledi. Jetistikterime súıene otyryp, ózimdi jetildire túskim keledi. Sondyqtan endi Abel Sanchespen jattyǵý ótkizbeımin. Bul men úshin ońaı sheshim bolǵan joq ári munyń Abeldiń kásibı qabiletine de esh qatysy joq. Ol - tamasha bapker, jumysyna adal, Dańq zalyna aty jazylǵan bapker. Jańa bapkerim týraly keıinirek habarlaımyn. Al búgin boksta bergen sabaqtary úshin Abelge alǵys aıtamyn», - dep jazdy qazaqstandyq boksshy Instagram paraqshasyna.

Eske sala keteıik, sarapshylar byltyr Golovkın men Mýrat Gassıevtiń jeńilisinen keıin Abel Sanchestiń biliktiligin synǵa ala bastaǵan bolatyn. Gennadıı Golovkın Sanchespen 2010 jyldan beri jattyǵyp keldi.

GGG (38-1-1, 34KO) aldaǵy 8 maýsymda Nıý-Iorktegi (AQSh) Madison Square Garden arenasynda kanadalyq boksshy Stıv Rollspen (19-0, 10 KO) kezdesedi.

Jekpe-jek aldynda qos boksshy Nıý-Iorkte baspasóz máslıhatyn ótkizdi. Sharadan keıin kóz arbasý rásimi ótti.

Boks keshine bıletterdiń baǵasy 50, 100, 200, 300, 500 jáne 750 dollardy quraıdy.

Basty sózder: Boks, Sport, Gennadıı Golovkın,
Joǵary qaraı