Aýa raıy
Astana 10 °S
Almaty 23 °S
valıýta baǵamy
USD 389.52
EUR 429.21
RUB 6.07
CNY 54.94

Gandbol: Qazaqstan quramasy tórtinshi oryn aldy

2018 jyldyń 9 jeltoqsan 2018 19:44

ASTANA. QazAqparat - Japonııanyń Kýmamoto qalasynda gandboldan qyzdar arasynda Azııa chempıonaty máresine jetti. Azııa chempıonatynda Qazaqstan quramasy tórtinshi oryn aldy, dep habarlaıdy QazAqparat tilshisi.

Biz budan buryn Qazaqstan quramasy jartylaı fınalǵa shyqqanyn habarlaǵan edik. Odan keıin jartylaı fınalda Ońtústik Koreıa qyzdarynan jeńilip qaldy.

Bizdiń qyzdar búgin úshinshi oryn úshin saıysta Qytaı quramasymen kezdesti. Oıynnyń birinshi kezeńinde bizdiń qyzdar 11:13 esebimen jeńildi. Al ekinshi kezeńde qarsylastarymyz 14 gol soqsa, oǵan quramamyz 10 golmen ǵana jaýap qaıyrdy. Nátıjesinde gandbolshy qyzdar atalmysh qarsylasyna 21:27 esebimen ese jiberdi. Osylaısha Qazaqstan quramasy Azııa chempıonatynda tórtinshi oryn aldy. Úshinshi oryn Qytaıǵa buıyrdy.

Qazaqstan quramasy toptyq kezeńde A tobynda synǵa tústi. Toptyq kezeńde quramamyz Avstralııany 32:24, Irandy 41:26, Jańa Zelandııany 51:14 esebimen jeńdi.

Fınalda Ońtústik Koreıa men Japonııa sheberlik baıqasty. Atalmysh kezdesýde koreı qyzdary qarsylasynan 30:25 esebimen basym tústi. Chempıondyq ataqqa Ońtústik Koreıa ıe boldy. Olar mundaı mártebege bıyl on tórtinshi márte qol jetkizip otyr. Japonııa kúmis júldeger atandy.

Bizdiń qurama osylaısha sońǵy tórt Azııa birinshiliginde tórtinshi orynǵa turaqtady. Búgingi kúnge deıin Qazaqstan quramasy Azııa birinshiligine toǵyz márte qatysqan.

Azııa birinshiligi 1987 jyldan beri turaqty túrde ótkizilip keledi. Búgingi kúnge deıin nebári úsh qurama ǵana qurlyq chempıony atanǵan. Qazaqstannan basqa Ońtústik Koreıa men Japonııa osyndaı tabysqa qol jetkizgen. Ońtústik Koreıa 14, Japonııa 1 márte altynnan alqa taqty.

Avtor Ádiljan Úmbet
Basty sózder: Sport,
Joǵary qaraı