Aýa raıy
Astana 17 °S
Almaty 13 °S
valıýta baǵamy
USD 386.80
EUR 429.27
RUB 5.78
CNY 54.89

Ǵalymbek Kenjebaev: Elordaǵa 13 eldiń eń myqty boksshylary kele jatyr

2019 jyldyń 12 shilde 2019 14:30 649

NUR-SULTAN. QazAqparat - Bokstan 16-21 shilde aralyǵynda Nur-Sultanda ótetin Prezıdent Kýbogine 13 memlekettiń eń myqty bylǵary qolǵap sheberleri qatysady.  

Bul týraly QazAqparat tilshisine bokstan Ulttyq quramanyń bas bapkeri Ǵalymbek Kenjebaev aıtyp berdi.

«Alda ótkeli otyrǵan Prezıdent kýbogy boksshylarymyz úshin mańyzdy jarystardyń biri. Óıtkeni, álem chempıonaty qarsańynda ulttyq qurama qataryna iligetin boksshylar tap osy týrnırde tańdalady. Bul jarysqa álemniń 13 memleketinen eń tańdaýly boksshylar kele jatyr. Aldy kelip úlgerdi. Biz olarmen birlesip, sońǵy oqý-jattyǵý jıynymyzdy pysyqtap jatyrmyz», - dedi bas bapker.

Sondaı-aq, bas bapker ulttyq qurama boksshylarynyń bul dodaǵa tas-túıin daıyn ekenin jetkizdi.

«Bıylǵy Prezıdent kýbogi burynǵydan ózgeshe bolmaq.  Bul joly burynǵydaı on salmaq emes, segiz salmaq dárejesinde úzdikter anyqtalady. Jarysqa Azııa chempıonatyndaǵy quram men Spartakıada jeńimpazdary qatysady. Búgingi tańda boksshylar jarysqa tas-túıin daıyn», dep atap ótti Ǵalymbek Kenjebaev.

Esterińizge sala keteıik, osyǵan deıin Prezıdent kýbogine erler quramasy men áıelder quramasynan kimder qatysatyny týraly jazǵan bolatynbyz.

 

 

Avtor Kúnsultan Otarbaı
Basty sózder: Boks, Nur-Sultan, Sport,
Joǵary qaraı