Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Fýtboldan Qazaqstan kýbogynyń jerebesi tartyldy

2019 jyldyń 18 aqpan 2019 18:58 1408

ASTANA. QazAqparat - Fýtboldan 2019 jylǵy Qazaqstan kýbogy irikteý kezeńiniń jerebesi tartyldy, dep habarlaıdy QazAqparat tilshisi.

Budan buryn habarlaǵanymyzdaı, alǵashqy irikteý kezeńine birinshi lıganyń segiz klýby, ekinshi lıganyń tórt komandasy jáne «Igilik» (Qarataý, Jambyl oblysy), Dıdar Sydyqbek fýtbol ortalyǵy (Astana) syndy eki áýesqoı ujym qatysady. 

Jerebe nátıjesi boıynsha A tobyna «Altaı» (Shyǵys Qazaqstan oblysy), «Ekibastuz» (Ekibastuz, Pavlodar oblysy), «Qyzyl-Jar SK» (Petropavl), «Rýzaevka» (Rýzaevka, Soltústik Qazaqstan oblysy) komandalary tústi. Al V tobynda «Arys» (Arys, Túrkistan oblysy), SDıÝSShOR №8 (Astana), «Akademııa Ońtústik» (Shymkent), «Dıdar Sydyqbek» fýtbol ortalyǵy (Astana) baq synaıdy. Al S tobynda «Qyran» (Shymkent), «Igilik» (Qarataý, Jambyl oblysy), «Aqsý» (Aqsý, Pavlodar oblysy), D tobynda «Aqjaıyq» (Oral), «Kaspıı» (Aqtaý) jáne «Maqtaral» (Maqtaral aýdany, Túrkistan oblysy) komandalary oınaıdy.

Qazaqstan kýbogynyń alǵashqy kezeńi 19-27 naýryz kúnderi Shymkent qalasy men Túrkistan oblysynda ótkiziledi. Ár toptan úzdik shyqqan komandalar jarystyń 1/8 fınaldyq satysyna joldama alady. Bul kezeńde olarmen birge Premer-lıga komandalary da baq synaıdy.

Avtor Ádiljan Úmbet
Basty sózder: Sport,
Joǵary qaraı