Aýa raıy
Astana 7 °S
Almaty 6 °S
valıýta baǵamy
USD 389.59
EUR 429.06
RUB 6.05
CNY 55.07

Fýtbol: Qazaqstan men Reseı tarıhı oıynyn ótkizedi

2019 jyldyń 24 naýryz 2019 12:11

NUR-SULTAN. QazAqparat - Búgin elordamyzda fýtboldan Qazaqstan quramasy reseılik áriptesterin qabyldaıdy. Bul - 2020 jylǵy Eýropa chempıonaty irikteý kezeńiniń ekinshi týr oıyny, dep habarlaıdy QazAqparat tilshisi.

Fınaldyq kezeńge 24 qurama joldama alady. Qazaqstan men Reseı quramalary I tobynda synǵa túsedi. Qarsylastary - Belgııa, Shotlandııa, Kıpr jáne San Marıno.

Eki qurama da 21 naýryzda alǵashqy týr oıyndaryn ótkizip úlgerdi. Qazaqstan óz alańynda Shotlandııany 3:0 esebimen oısyrata jeńdi. Reseı syrt alańda Belgııaǵa 1:3 esebimen jol berdi.

Qos qurama buǵan deıin eki márte joldastyq kezdesý ótkizdi. Alǵashqy oıyn 2008 jyldyń 23 mamyrynda boldy. Bul joly Reseı sapynan Pavel Pogrebnıak, Vladımır Bystrov, Konstantın Zyrıanov, Dınııar Bılıaletdınov, Dmıtrıı Torbınskıı jáne Dmıtrıı Sychev gol soqty. Qazir atalmysh quramadan ıÝrıı Jırkov qana bar. Kelesi kezdesý 2015 jyldyń 31 mamyrynda oınaldy. Reseı astanasy - Máskeý qalasynda bolǵan kezdesýde esep ashylǵan joq.

Búgingi kezdesý kórshiles eki memleket quramalary arasyndaǵy alǵashqy resmı match bolyp tabylady. Sol sebepti ony eki qurama arasyndaǵy tarıhı match dep baǵalaýǵa tolyq negiz bar. Sondyqtan olardyń árbiri jeńiske jetýge bar kúshin salatyny anyq. Bizdiń jigitter búgingi kúnge deıin Eýropada dop teýip júrgen burynǵy odaqtas elderdiń birqatar quramalarymen sheberlik baıqasty. Olardyń qatarynda Ýkraına, Belarýs, Latvııa, Ázerbaıjan, Armenııa, Grýzııa bar.

Reseı quramasy jaıynda bizdiń jankúıerler jaqsy biledi. Toqsanynshy jyldan beri olar 1994, 2002, 2014, 2018 jyldardaǵy álem chempıonatyna qatysty. Atalmysh týrnırde ázirge joǵary nátıjege qol jetkize qoıǵan joq. Sondaı-aq, 1996, 2004, 2008, 2012, 2016 jyldarda Eýropa chempıonatynda baq synady. 2008 jyly atalmysh dodada qola júldeger atandy. FIFA reıtınginde bıylǵy aqpan aıyndaǵy nátıje boıynsha 50 orynda tur. Óz tarıhynda olar atalmysh reıtıngte 1996 jyldyń sáýirinde 3 orynǵa deıin kóterilgen edi.

Sońǵy jyldarda Reseı quramasynda jastar kóbirek oıyn kórsetip keledi. 2016 jyldyń tamyz aıynan bastap qurama tizginin jergilikti maman Stanıslav Cherchesov qolǵa aldy. Byltyr óz jerinde ótken álem chempıonatynda reseılik fýtbolshylar táp-táýir nátıjege qol jetkizdi. Shırek fınalǵa deıin súrinbeı jetti.

Orys fýtbolshylary 2020 jylǵy Eýropa chempıonaty irikteý kezeńiniń alǵashqy týryndaǵy Belgııadan jeńilisiniń ornyn elordada ótetin oıynda toltyramyz dep úmittenip otyr. Oǵan bizdiń jigitter de laıyqty qarsylyq kórsetetinin aıtady.

Qazaqstan men Reseı quramalary arasyndaǵy kezdesý elorda ýaqytymen 20.00-de bastalady. Atalmysh oıyn QazSport telearnasynan tikeleı efırde kórsetiledi.

Foto: kff.kz

Avtor Ádiljan Úmbet
Basty sózder: Sport,
Joǵary qaraı