Aýa raıy
Astana 12 °S
Almaty 19 °S
valıýta baǵamy
USD 389.52
EUR 429.21
RUB 6.07
CNY 54.94

Fýtbol: Qazaqstan quramasy Reseıden oısyraı jeńildi

2019 jyldyń 24 naýryz 2019 21:50

NUR-SULTAN. QazAqparat - 2020 jyly ótetin Eýropa chempıonatynyń irikteý kezeńi aıasynda kezdesý ótkizgen Qazaqstan men Reseı quramalarynyń oıyny aıaqtaldy, dep habarlaıdy QazAqparat tilshisi.

Eske sala ketsek, elordanyń Astana-arenasynda ótip jatqan kezdesýdiń alǵashqy taımy qonaqtardyń 0:2 esebimen aıaqtalǵan bolatyn. Qos goldy Reseı quramasynyń sapynan Denıs Cheryshev soqqan edi.

Ekinshi taım Astana-Arenaǵa jınalǵan jankúıerlerdi qýanta alǵan joq. Jalpy, kezdesý tolyqtaı reseılikterdiń basymdyǵymen ótti. Ekinshi taımda Reseı quramasynyń kapıtany Artem Dzıýba 51-mınýtta gol soǵyp, esepti 0:3-ke jetkizgen edi. Araǵa 10 mınýt salyp, qazaqstandyq fýtbolshy Abzal Beısebekovtiń avtogoly reseılikterdiń jeńisin shegeleı tústi.

Qazaqstan quramasy oısyraı jeńilip jatsa da, stadıondaǵy jankúıerlerdiń jankeshtiligin erekshe atap ótý kerek. Ulttyq qurama utylyp jatqanyna qaramastan olar «Qazaqstan» dep aıǵaılaýmen boldy. Fýtbolshylarymyz qansha tyrysqanymen, oıyn sońyna deıin gol sala almaı-aq qoıdy. Esep - 0:4.

Aıta ketsek, 2020 jylǵy Eýropa chempıonaty irikteý kezeńiniń ekinshi týr oıynynyń fınaldyq kezeńine 24 qurama joldama alady. Qazaqstan men Reseı quramalary I tobynda synǵa túsedi. Qarsylastary - Belgııa, Shotlandııa, Kıpr jáne San Marıno. Eki qurama da 21 naýryzda alǵashqy týr oıyndaryn ótkizip úlgerdi. Qazaqstan óz alańynda Shotlandııany 3:0 esebimen oısyrata jeńdi. Reseı syrt alańda Belgııaǵa 1:3 esebimen jol bergen.

Qos qurama buǵan deıin eki márte joldastyq kezdesý ótkizdi. Alǵashqy oıyn 2008 jyldyń 23 mamyrynda boldy. Bul joly Reseı sapynan Pavel Pogrebnıak, Vladımır Bystrov, Konstantın Zyrıanov, Dınııar Bılıaletdınov, Dmıtrıı Torbınskıı jáne Dmıtrıı Sychev gol soqty. Qazir atalmysh quramadan ıÝrıı Jırkov qana bar. Kelesi kezdesý 2015 jyldyń 31 mamyrynda oınaldy. Reseı astanasy - Máskeý qalasynda bolǵan kezdesýde esep ashylǵan joq.

Eske sala keteıik, atalmysh oıyndy Prezıdent Qasym-Jomart Toqaev, Premer-mınıstr Asqar Mamın, Prezıdenti Ákimshiliginiń basshysy Baqytjan Saǵyntaev tamashalap otyr.

Avtor Aıan Bekenuly
Basty sózder: Sport, Reseı, Nur-Sultan,
Joǵary qaraı