Aýa raıy
Astana 17 °S
Almaty 28 °S
valıýta baǵamy
USD 384.52
EUR 431.32
RUB 6.10
CNY 55.89

Fýtbol: «Qaısar» túrikmen komandasynan basym tústi

2019 jyldyń 21 aqpan 2019 23:14 1267

QYZYLORDA. QazAqparat - Qyzylordanyń «Qaısary» Túrkııadaǵy oqý-jattyǵý jıynynda búgin sońǵy kezdesýin ótkizdi. Bul joly Túrikmenstannyń «Altyn asyr» komandasymen kezdesti, dep habarlaıdy QazAqparat tilshisi.

«Altyn asyr» komandasy 2008 jyly qurylǵan. 2014 jyldan beri fýtboldan óz eliniń birinshiliginde bes márte chempıon atanyp úlgerdi. Sondaı-aq, atalmysh komanda 2010 jyly kúmis, 2013 jyly qola medal alǵan edi. Atalmysh klýbtyń budan basqa da jetistikteri az emes.

«Qaısar» jigitteri búgin óte senimdi oınady. Qarsylastar qaqpasy mańynda jıi shabýyl uıymdastyrdy. Osyndaı sáttiń birinde «Qaısardyń» portýgaldyq jartylaı qorǵaýshysy Karlos Mıgel (Karlıtos) mergendik kórsetti. Komanda quramyna bıyl qosylǵan Marat Haırýllın de búgingi kezdesýden qur ketpeı, qarsylastar qaqpasyn dál kózdeı bildi. Budan keıin Bratıslav Pýnoshevats qanjyǵasyn maılasa, sońǵy goldy Mark Gýrman soqty. Osylaısha «Qaısar» «Altyn asyr» komandasyn 4:0 esebimen jeńdi.

Eske sala ketelik, ekinshi oqý-jattyǵý jıyny barysynda qyzylordalyq klýb Bolgarııanyń «Tsarsko Selo, Ýkraınanyń «Desna» jáne Reseıdiń «Krylıa Sovetov», «Baltıka», grýzııalyq VIT-«Djordjııa» komandasynan jeńilip qalǵan edi. Al Reseıdiń «Nıjnıı Novgorod» komandasynan basym bolsa, Grýzııanyń «Sabýrtalo» komandasymen teń tústi.

Al alǵashqy oqý-jattyǵý jıyny barysynda «Qaısar» 22 qańtarda Ýkraınanyń «Olımpık» komandasymen joldastyq kezdesý ótkizip, bul oıynda jerlesterimiz qarsylasynan 1:3 esebimen jeńilip qaldy.

«Qaısar» endi elge qaıtady. Qyzylorda qalasyndaǵy alǵashqy daıyndyǵyn 27 aqpanda bastaıdy dep josparlanyp otyr.

Biz budan buryn «Qaısardyń» quramyna portýgaldyq fýtbolshy qosylǵanyn habarlaǵan edik.

 

 

 

Avtor Ádiljan Úmbet
Basty sózder: Sport, Qyzylorda oblysy,
Joǵary qaraı