Aýa raıy
Astana 7 °S
Almaty 12 °S
valıýta baǵamy
USD 389.98
EUR 434.01
RUB 6.10
CNY 55.04

Fýtbol: Birinshi kezeńde Qazaqstan quramasy Moldovamen teń tústi

2019 jyldyń 21 aqpan 2019 21:06

ASTANA. QazAqparat - Dál qazir Túrkııada fýtboldan Qazaqstan jáne Túrkııa quramalary arasynda joldastyq kezdesýdiń birinshi kezeńi aıaqtaldy, dep habarlaıdy QazAqparat tilshisi.

Bul - cheh mamany Mıhal Bılektiń bizdiń qurama tizginin ustaǵaly beri alǵashqy oıyny. Ol match aldyndaǵy baspasóz máslıhatynda búgingi kezdesýde negizinen tájirıbeli oıynshylarmen birge jastarǵa da senim artatynyn málimdegen edi.

Alǵashqy kezeńde Qazaqstan quramasy sapynda Dmıtro Nepogodov, Temirlan Erlanov, Sergeı Malyı, Saǵadat Tursynbaı, Dmıtrıı Mıroshnıchenko, Dmıtrıı Shomko, ıÝrıı Pertsýh, Azat Nurǵalıev (K), Maksım Fedın, Roman Mýrtazaev, Baýyrjan Turysbek syndy jigitterge úmit artty.

Eki qurama birinshi kezeńde kózge túserlik oıyndarymen erekshelene qoımady. Eki qaqpa mańynda qaýipti sátter oryn alǵanymen, ony golǵa aınaldyrýǵa kelgende ekeýi de dittegen maqsatyna jete alǵan joq.

Bul oıyn fýtboldan 2020 jylǵy Eýropa birinshiliginiń irikteý kezeńi aldyndaǵy ulttyq quramanyń daıyndyǵy bolyp tabylady. Esterińizge sala ketelik, bizdiń qurama I tobynda Belgııa, Reseı, Shotlandııa, Kıpr, San-Marınomen synǵa túsedi. Qazaqstan fýtbolshylary irikteý kezeńindegi alǵashqy oıynynda 21 naýryzda Shotlandııa quramasyn qabyldaıdy. Odan keıin 24 naýryzda Astanada Reseı quramasymen sheberlik baıqasady.

Avtor Ádiljan Úmbet
Basty sózder: Túrkııa, Sport,
Joǵary qaraı