Aýa raıy
Astana 7 °S
Almaty 15 °S
valıýta baǵamy
USD 389.59
EUR 429.06
RUB 6.05
CNY 55.07

Fýtbol: «Aqjaıyq» komandasyna bas bapker taǵaıyndaldy

2019 jyldyń 22 mamyr 2019 23:26

ORAL. QazAqparat -Artýr Avakıants «Aqjaıyq» komandasynyń bas bapkeri bolyp taǵaıyndaldy, dep habarlaıdy QazAqparat tilshisi.

Atalǵan fýtbol klýbynyń baspasóz qyzmetinen túsken málimetke qaraǵanda, 1972 jyly dúnıege kelgen A.Avakıants osy oraldyq komandanyń otymen kirip, kúlimen shyǵyp keledi.

Fýtbolshy retinde birneshe qazaqstandyq komandada dop teýip kórgen Avakıants negizinen oraldyq klýbtyń namysyn qorǵady. Al 2011 jyldan beri «Aqjaıyq» komandasyn jattyqtyryp keledi. Arasynda bas bapkerlik mindetin de atqardy.

Osyǵan deıin «Aqjaıyq» komandasynyń tizginin ustaǵan ýkraınalyq maman Sergeı Zaıtsev chempıonattyń alǵashqy eki oıynynda bir ǵana upaı jınap, kýboktyk básekeden de shet qalǵandyqtan, ornynan bosatylǵan bolatyn.

Zaıtsev ketkennen keıin 19 sáýir kúni bas bapker mindetin atqarýshy bolyp taǵaıyndalǵan A.Avakıants sodan beri bes match ótkizdi. Komanda sonyń úsheýinde jeńiske jetip, ekeýinde teń oınady.

Premer-lıgaǵa qaıta oralýdy maqsat etip qoıǵan "Aqjaıyq" qazir týrnır kestesinde 12 upaımen besinshi orynda keledi.

A.Avakıants bas bapker retindegi alǵashqy kezdesýin 26 mamyr kúni syrt alańda «Maqtaaral» komandasymen ótkizedi.

Eske sala keteıik, budan buryn «Aqjaıyqtyń» bas bapkeri qyzmetinen ketkenin jazǵan bolatynbyz.

Avtor Eljan Eraly
Basty sózder: Batys Qazaqstan oblysy, Sport,
Joǵary qaraı