Aýa raıy
Astana 5 °S
Almaty 3 °S
valıýta baǵamy
USD 389.98
EUR 434.01
RUB 6.10
CNY 55.04

FlyArystan áýe kompanııasynyń alǵashqy ushaǵy Almatyǵa qondy

2019 jyldyń 21 sáýir 2019 16:11

NUR-SULTAN. QazAqparat - FlyArystan áýe kompanııasynyń alǵashqy ushaǵy Almaty áýejaıyna qondy. Bul týraly QR IIDM Azamattyq avıatsııa komıteti málim etti, dep habarlaıdy QazAqparat tilshisi.

«FlyArystan áýe kompanııasynyń alǵashqy ushaǵy Almaty áýejaıyna ushyp keldi. On kúnnen keıin loýkoster turaqty reısterdi oryndaýdy bastaıdy», - dep naqtylanǵan taratylǵan málimette.

Budan buryn habarlanǵandaı, otandyq loýkoster «Fly Arystan» kompanııasyn iske qosý bılet baǵasyn tómendetý esebinen turǵyndardyń áýe kóligine qoljetimdigin qamtamasyz etýge negizdelgen.

Bıylǵy 1 mamyrda «Almaty-Nur-Sultan» baǵdary boıynsha alǵashqy áýe saparyn júzege asyrý josparlanǵan. Jalpy, bastapqy kezeńde 6 baǵytty iske qosý eskerilgen. Bul rette «Almaty-Qaraǵandy», «Almaty-Taraz», «Almaty-Oral», «Almaty-Pavlodar» jáne «Almaty-Shymkent» reısteri qamtylady. Áýe bıletterin satý sharalary bıylǵy 29 naýryzda bastalyp ketti. Osy baǵyttardaǵy tarıfter 3 999 teńgeden bastalyp, 12 999 teńgege deıin jetedi. 2023 jylǵa qaraı áýe baǵdary jelisin 54-ke deıin jetkizý qarastyrylyp otyr.

Joǵary qaraı