Aýa raıy
Astana 0 °S
Almaty 21 °S
valıýta baǵamy
USD 389.59
EUR 429.06
RUB 6.05
CNY 55.07

«Eurovision-2019» baıqaýynda Nıderlandy ánshisi jeńimpaz atandy

2019 jyldyń 19 mamyr 2019 05:04

TELЬ-AVIV. QazAqparat - Izraıldiń Tel-Avıv qalasynda «Eurovision-2019» án baıqaýynyń grand-fınaly ótti, dep habarlaıdy QazAqparat tilshisi.

Halyqaralyq baıqaýdyń aqtyq synyn qazaqstandyqtar «Habar» arnasynan tikeleı tamashalaı aldy. Efır búgin saǵat 01.00-de bastalyp, tórt saǵatqa jalǵasty.

Grand-fınalda 26 eldiń ánshileri óner kórsetti. Olar 14-17 mamyr aralyǵynda bolǵan jartylaı fınaldyq eki irikteý kezeńinen súrinbeı ótkender. Atap aıtqanda, Malta elinen Mıkela esimdi ánshi, Albanııadan - Djonıda, Chehııadan - «Malavı kóli», Germanııadan - S!Sters, Reseıden - Sergeı Lazarev, Danııadan - Leonora, San-Marınodan - Tamara Todevska, Shvetsııadan - Djon Lýndvık, Slovenııadan - Zala Kral men Gashper Shantl, Kıprdan - Tamta, Nıderlandydan - Dýnkan Loýrens, Gretsııadan Katerına Dýska, Izarılden - Kobı Marımı, Norvegııadan - KeiiNO, Ulybrıtanııadan - Maıkl Raıs, Islandııadan - Hatarı, Estonııadan Vıktor Kron, Belarýstan - Zena, Ázerbaıjannan - Chıngız, Frantsııadan - Bılal Hassanı, Italııadan - Mahmýd, Serbııadan - Nevena Bojovıch, Shveıtsarııadan Lýkka Hannı, Avstralııadan - Keıt Mıller, Ispanııadan Mıkı sahnaǵa shyqty.


Jeńimpaz 41 elden saılanǵan qazylar alqasynyń birlesken sheshimimen jáne kórermenderdiń daýys berýi arqyly anyqtaldy. Ádilqazylar belgilengen 12 upaıdy qaı elge beretinin bir kún buryn sheship qoısa, kórermenderdiń daýysy tikeleı efırde qabyldandy. Qazylardyń sheshimi qatań qupııada saqtala otyryp, Eýropalyq habar taratý odaǵyna joldanady. Keıin, ol grand-fınaldyń efırinde jarııalanyp, telekórermenderdiń daýysymen qosylyp esepteledi. Aıta keteıik, Belarýstyń qazylar alqasynyń sheshimi qupııalylyqtyń saqtalmaýynan jaramsyz bolyp tanyldy. Degenmen, bul eldiń halqy baıqaýdaǵy óz favorıtterine baldaryn bere aldy.

Nátıjesinde, 492 upaımen Nıderlandy ánshisi Dýnkan Loýrens jeńimpaz atandy. 465 ball jınaǵan ıtalııalyq ánshi Mahmýd - ekinshi, 369 upaı alǵan Reseı ánshisi Sergeı Lazarev úshinshi orynnan kórindi.

Nıderlandy «Eurovision» baıqaýynda sońǵy ret 1975 jyly jeńiske jetken bolatyn.

Grand-fınalda qonaq retinde belgili amerıkalyq pop-ánshi Madonna, atalmysh baıqaýdyń 1979 jylǵy jeńimpazy Galı Atarı, sondaı-aq Konchıta Výrst (2014 jylǵy jeńimpaz), Mons Zelmerlev (2015 jylǵy jeńimpaz), reseılik ánshi Verka Serdıýchka jáne taǵy basqalary án aıtty.

Bıyl 64-inshi ret uıymdastyrylǵan sharaǵa 41 memleket qatysty. 2000 jyldan bastap 5 memlekettiń (Frantsııa, Germanııa, Italııa, Ispanııa, Ulybrıtanııa) jáne saıysty qabyldaıtyn eldiń (osy jyly Izraıl) qatysýshylary grand-fınalǵa avtomatty túrde ótedi. Izraıl Eurovision-di buǵan deıin eki ret (1979 jáne 1999 jyldary) ótkizgen bolatyn.

Aıta keteıik, 2018 jylǵy baıqaý Portýgalııada (Lıssabon qalasy) ótti. Atalmysh elge konkýrsty qabyldaý quqyǵy portýgalııalyq ánshi Salvador Sobral Kıevtegi «Eurovision-2017»-de jeńiske jetkennen keıin berildi. Al Izraılge jeńisti byltyr ánshi Netta (Netta Barzılaı) alyp kelgen bolatyn. Qazaqstan álemdik án dodasynda birde-bir ret baq synaǵan joq. Al balalar Eýrovıdenıesine 2018 jyly elimiz atynan alǵash ret Danelııa Tóleshova qatysyp, 6-orynnan kóringen edi.

Avtor Mıra Tólendiqyzy
Basty sózder: Álem,
Joǵary qaraı