Awa rayı
Nur-Sultan 20 °S
Almatı 29 °S
valyuta bağamı
USD 384.05
EUR 432.79
RUB 5.96
CNY 55.46

«Eurovision-2019» bayqawında Nïderlandı änşіsі jeñіmpaz atandı

2019 jıldıñ 19 mamır 2019 05:04 1284

TELЬ-AVÏV. QazAqparat - Ïzraïldіñ Tel-Avïv qalasında «Eurovision-2019» än bayqawınıñ grand-fïnalı öttі, dep xabarlaydı QazAqparat tіlşіsі.

Xalıqaralıq bayqawdıñ aqtıq sının qazaqstandıqtar «Xabar» arnasınan tіkeley tamaşalay aldı. Efïr bügіn sağat 01.00-de bastalıp, tört sağatqa jalğastı. 

Grand-fïnalda 26 eldіñ änşіlerі öner körsettі. Olar 14-17 mamır aralığında bolğan jartılay fïnaldıq ekі іrіktew kezeñіnen sürіnbey ötkender. Atap aytqanda, Malta elіnen Mïkela esіmdі änşі, Albanïyadan - Djonïda, Çexïyadan - «Malavï kölі», Germanïyadan - S!Sters, Reseyden - Sergey Lazarev, Danïyadan - Leonora, San-Marïnodan - Tamara Todevska, Şvecïyadan - Djon Lwndvïk, Slovenïyadan - Zala Kral men Gaşper Şantl, Kïprdan - Tamta, Nïderlandıdan - Dwnkan Lowrens, Grecïyadan Katerïna Dwska, Ïzarïlden - Kobï Marïmï, Norvegïyadan - KeiiNO, Ulıbrïtanïyadan - Maykl Rays, Ïslandïyadan - Xatarï, Estonïyadan Vïktor Kron, Belarwstan - Zena, Äzerbayjannan - Çïngïz, Francïyadan - Bïlal Xassanï, Ïtalïyadan - Maxmwd, Serbïyadan - Nevena Bojovïç, Şveycarïyadan Lwkka Xannï, Avstralïyadan - Keyt Mïller, Ïspanïyadan Mïkï saxnağa şıqtı. 


Jeñіmpaz 41 elden saylanğan qazılar alqasınıñ bіrlesken şeşіmіmen jäne körermenderdіñ dawıs berwі arqılı anıqtaldı. Ädіlqazılar belgіlengen 12 upaydı qay elge beretіnіn bіr kün burın şeşіp qoysa, körermenderdіñ dawısı tіkeley efïrde qabıldandı. Qazılardıñ şeşіmі qatañ qupïyada saqtala otırıp, Ewropalıq xabar taratw odağına joldanadı. Keyіn, ol grand-fïnaldıñ efïrіnde jarïyalanıp, telekörermenderdіñ dawısımen qosılıp esepteledі. Ayta keteyіk, Belarwstıñ qazılar alqasınıñ şeşіmі qupïyalılıqtıñ saqtalmawınan jaramsız bolıp tanıldı. Degenmen, bul eldіñ xalqı bayqawdağı öz favorïtterіne baldarın bere aldı.

Nätïjesіnde, 492 upaymen Nïderlandı änşіsі Dwnkan Lowrens jeñіmpaz atandı. 465 ball jïnağan ïtalïyalıq änşі Maxmwd - ekіnşі, 369 upay alğan Resey änşіsі Sergey Lazarev üşіnşі orınnan körіndі.

Nïderlandı «Eurovision» bayqawında soñğı ret 1975 jılı jeñіske jetken bolatın.

Grand-fïnalda qonaq retіnde belgіlі amerïkalıq pop-änşі Madonna, atalmış bayqawdıñ 1979 jılğı jeñіmpazı Galï Atarï, sonday-aq Konçïta Vwrst (2014 jılğı jeñіmpaz), Mons Zelmerlev (2015 jılğı jeñіmpaz), reseylіk änşі Verka Serdyuçka jäne tağı basqaları än ayttı.

Bïıl 64-іnşі ret uyımdastırılğan şarağa 41 memleket qatıstı. 2000 jıldan bastap 5 memlekettіñ  (Francïya, Germanïya, Ïtalïya, Ïspanïya, Ulıbrïtanïya) jäne sayıstı qabıldaytın eldіñ (osı jılı Ïzraïl) qatıswşıları grand-fïnalğa avtomattı türde ötedі. Ïzraïl Eurovision-dі buğan deyіn ekі ret (1979 jäne 1999 jıldarı) ötkіzgen bolatın. 

Ayta keteyіk, 2018 jılğı bayqaw Portwgalïyada (Lïssabon qalası) öttі. Atalmış elge konkwrstı qabıldaw quqığı portwgalïyalıq änşі Salvador Sobral Kïevtegі «Eurovision-2017»-de jeñіske jetkennen keyіn berіldі. Al Ïzraïlge jeñіstі bıltır änşі Netta (Netta Barzïlay) alıp kelgen bolatın. Qazaqstan älemdіk än dodasında bіrde-bіr ret baq sınağan joq. Al balalar Ewrovïdenïesіne 2018 jılı elіmіz atınan alğaş ret Danelïya Töleşova qatısıp, 6-orınnan körіngen edі.   

 

 

 

 

Avtor: Mïra Tölendіqızı
Bastı sözder: Älem,
Joğarı qaray