Aýa raıy
Astana 17 °S
Almaty 12 °S
valıýta baǵamy
USD 386.70
EUR 427.15
RUB 6.06
CNY 54.57

Eýropanyń bir top jıhangezi Qazaqstannyń kıeli oryndaryn aralap shyqty

2019 jyldyń 12 tamyz 2019 13:04

NUR-SULTAN. QazAqparat – Eýropa elderindegi Qazaqstannyń dostary atanǵan bir top jıhangez «Uly dala elinde» atty ekspedıtsııa quramynda Qazaqstannyń kıeli jerlerin aralap shyqty. Jıhangezder 4 myń shaqyrym jerdi basyp ótken, dep habarlaıdy QazAqparat tilshisi.

Sapardy Qazaqstan men Avstrııa elshilikteri, Qazaq geografııalyq qoǵamy uıymdastyrǵan.

Qazaqstannyń eýropalyq dostary Qazaqstannyń qasıetti jerlerin – Ulytaý, Qarqaraly, Shyńǵystaý, Alakól, Altyn Emel men Balqash óńirlerin kórip shyqty. Ekspedıtsııaǵa Qazaqstannyń belgili jıhangezi, Qazaq geografııalyq qoǵamynyń múshesi, Qazaqstannyń 100 jańa esimine engen Maǵjan Saǵymbaev jetekshilik etken.







«Biz 14 kúnniń ishinde 4 myń shaqyrym joldy, birneshe oblysty basyp óttik. Atap aıtqanda, Qaraǵandy, Aqmola, Shyǵys Qazaqstan, Almaty, Jambyl oblystary men Almaty, Nur-Sultan qalalarynda boldyq. Ulytaýda júrgenimizde ekspedıtsııamyzǵa EQYU-nyń Qazaqstandaǵy elshisi Djordj Sabo men Shveıtsarııa elshisi O. Smıt qosyldy. Joshy han men Alasha hannyń, Dombaýyldyń kesenesin aralap, Qarqaraly ulttyq parkinde de boldyq. Shaıtankól dostarymyzǵa qatty unady. Osydan keıin Abaı aýdanynda Jıdebaıdaǵy Abaı mýzeıin tamashaladyq. Jıdebaıda EYQU Parlament Assambleıasynyń burynǵy prezıdenti Krıstın Mýttonen Abaıdyń «Jaz» óleńin nemis tilinde oqyp, uly aqynnyń 175 jyldyǵyna oraı bastalǵan chellendjge ún qosty», - dedi Maǵjan Saǵymbaev.




Onyń aıtýynsha, avtrııalyq qonaqtar Gerold Belger aýdarǵan Abaıdyń «Jaz» óleńiniń kóshirmesin Abaı mýzeıine tapsyryp, qazaqtyń uly aqynynyń rýhyna qurmet kórsetken.







«Abaı aýdanynan keıin Alakólge, odan ary Altyn Emeldegi taýlarǵa shyqtyq. Besshatyr qorǵanynda bolyp, Oshaqtasqa da jolymyz tústi. Ary Almatyny aınalyp, Nur-Sultanǵa keldik. Osy 14 kúnniń ishinde Elbasy jazǵan «Uly dalanyń jeti qyryn», uly dalanyń qasıetin sezindik. Meımandardy ulttyq dástúrimizben, týrıstik áleýetpen tanystyrdyq. Meniń oıymsha, ekspedıtsııa sátti ótti», - dedi Maǵjan Saǵymbaev.







Delegatsııa quramynda sheteldik týrıstermen birge Qazaqstannyń Avstrııadaǵy Tótenshe jáne Ókiletti Elshisi Qaırat Sarybaı, Parlament depýtaty Sapar Ahmetov, Qazaqstannyń Baden-Vıýrtemberg jerindegi Qurmetti konsýly Doroteıa Haller-Lıaıble men jary ıÝrgen Lıaıble, Avtrııa-Qazaqstan qoǵamynyń prezıdenti, EQYU Parlament Assambleıasynyń burynǵy prezıdenti Krıstın Mýttonen jáne onyń jary Pekka Mýttonen boldy.





Eske sala ketsek, atalmysh ekspedıtsııaǵa jetekshilik etken Maǵjan Saǵymbaev osydan tórt jyl buryn jer sharyn velosıpedpen aralap shyqqan bolatyn.



Joǵary qaraı