Aýa raıy
Astana 10 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Eýropadaǵy eń qymbat azyq-túlik ónimderi qaı elde shyǵarylady

2019 jyldyń 10 tamyz 2019 10:22

OSLO. QazAqparat – Eýropa odaǵynyń «Evrostat» statıstıka qyzmeti byltyr Kári qurlyqtaǵy azyq-túlik jáne sýsyndardyń baǵasy qalaı ózgergendigi týraly statıstıkalyq derekterdi jarııalady, dep habarlaıdy «QazAqparat» HAA-nyń menshikti tilshisi.

Eýropadaǵy azyq-túlik baǵasy eń qymbat el Norvegııa ekeni anyqtaldy. Vıkıngter elinde azyq-túlik ónimderi Eýropa odaǵyndaǵy ortasha kórsetkishten 63% qymbat. Sonyń ishinde, sút ónimderi, jumyrtqa, kókónis jáne jarma Norvegııanyń óz statıstıkasy boıynsha da aıtarlyqtaı qymbat bolyp shyqty.

Qymbatshylyq reıtınginde Norvegııadan keıingi orynda Shveıtsarııa tur. Mundaǵy baǵa Eýropadaǵy ortasha kórsetkishten 60% joǵary.

Eýropadaǵy eń arzan azyq-túlikti Soltústik Makedonııadan alýǵa bolady. Mundaǵy baǵalar ortasha mánniń 62%-yna teń boldy.




Aıta keteıik, osy taldaý aıasynda Eýropa odaǵyna múshe kiretin 28 elden bólek, erkin saýda aımaǵyna kiretin jáne Odaqqa kirýge úmitker elder de qamtylǵan. Mysaly, Norvegııa men Shveıtsarııa erkin saýda aımaǵynda bolsa, Soltústik Makedonııa – kandıdat el.

Avtory: Іlııas Omarov

Basty sózder: Eýropa, Álem, Azyq-túlik,
Joǵary qaraı