Aýa raıy
Astana 0 °S
Almaty 3 °S
valıýta baǵamy
USD 388.70
EUR 428.70
RUB 6.08
CNY 55.46

Eýropa lıgasy: Qazaqstandyq klýbtardyń qarsylastary belgili boldy

2019 jyldyń 18 maýsym 2019 20:39

NUR-SULTAN. QazAqparat - Fýtboldan ÝEFA Eýropa lıgasynda bıyl synǵa túsetin qazaqstandyq komandalardyń qarsylastary anyqtaldy, dep habarlaıdy QazAqparat tilshisi.

Atap aıtqanda, Almatynyń «Qaıraty» Bosnııanyń «Shırokı Brıeg», Qostanaıdyń «Tobyly» Lıýksembýrgtiń «Jeness», Shymkenttiń «Ordabasy» klýby Grýzııanyń «Torpedo» (Kýtaısı) komandalarymen kezdesedi.

«Shırokı Brıeg» komandasy 1948 jyly qurylǵan. Óz elinde 2004, 2006 jyldarda chempıon atanǵan. Eýrokýbok oıyndarynda qazaqstandyq eki komandamen kezdesti. 2012/2013 jyldarda Eýropa lıgasy ekinshi irikteý kezeńinde Pavlodardyń «Ertis» komandasymen kezdesti. Alǵashqy kezdesýde 2:3 esebimen jeńilgen olar, qarymta kezdesýde 2:0 esebimen basym tústi. Qos oıynnyń qorytyndysymen jarysty jalǵastyrýǵa múmkindik aldy. Odan keıin, 2017/2018 jylǵy kezeńde Eýropa lıgasy birinshi irikteý kezeńinde Shymkenttiń «Ordabasy» klýbyn óz alańynda 2:0 esebimen jeńip, syrtta 0:0 esebimen jeńdi. Bul joly da bosnııalyq klýb jarystyń kelesi satysyna shyqty.

Lıýksembýrgtiń «Jeness» komandasynyń qazaqstandyq klýbtarmen alǵash ret joly túıisip otyr. Esh qalasynyń namysyn qorǵaıtyn «Jeness» 1907 jyly qurylǵan. Atalmysh klýb óz eliniń birinshiliginde 28 márte chempıondyq ataqqa qol jetkizgen.

Grýzııanyń «Torpedo» (Kýtaısı) komandasy da bizdiń klýbtarǵa jaqsy tanys. Atalmysh ujym 1946 jyly qurylǵan. Búgingi kúnge deıin óz elinde tórt márte altynnan alqa taqty. Olar 2012/2013 jylǵy kezeńde Eýropa lıgasy birinshi irikteý kezeńinde «Aqtóbemen» kezdesti. Óz alańynda 1:1 esebimen teń túsip, syrt alańda 0:1 esebimen jol berdi. Jarysty «Aqtóbe» jalǵastyrdy.

Eýropa lıgasy birinshi irikteý kezeńiniń alǵashqy oıyny 11 shildede ótse, qarymta kezdesý 18 shildede bolady.

Budan buryn ÝEFA Chempıondar lıgasy birinshi kezeńindegi Nur-Sultan qalasynyń «Astana» komandasynyń qarsylasy anyqtalǵanyn habarlaǵan edik.

Avtor Ádiljan Úmbet
Basty sózder: Sport,
Joǵary qaraı