Awa rayı
Astana -13 °S
Almatı -3 °S
valyuta bağamı
USD 378.14
EUR 429.42
RUB 5.68
CNY 55.56

Ewropa lïgası: «Astana» «Rennmen» ekіnşі joldamağa talasadı

2018 jıldıñ 13 jeltoqsan 2018 05:35 516

ASTANA. QazAqparat - Bügіn elordalıq «Astana» fwtboldan Ewropa lïgası toptıq kezeñіndegі soñğı oyının ötkіzedі. Olar Francïyanıñ «Renn» komandasımen kezdesіp, K tobındağı ekіnşі joldamağa talasatın boladı, dep xabarlaydı QazAqparat tіlşіsі.

«Astana» bïılğı Ewropa lïgası toptıq kezeñіndegі oyındarın sättі bastağan edі. Aldımen 20 qırküyekte Kïevte jergіlіktі «Dïnamomen» 2:2 esebіnde tarqastı . Odan keyіn öz alañında 4 qazanda bügіngі qarsılası - Francïyanıñ «Renn» klwbın 2:0 esebіmen jeñse, sırtta 25 qazanda Çexïyanıñ «Yablonec» klwbımen 1:1 esebіmen teñ oynadı. Atalmış «Yablonecpen» 8 qaraşada elorda törіnde qarımta oyın ötkіzіp, bul kezdeswde elordalıq klwb 2:1 esebіmen jeñіske jettі . Al 29 qaraşada bіzdіñ fwtbolşılar Kïevtіñ «Dïnamosınan» 0:1 esebіmen jeñіlіp qaldı.

Qazіr twrnïr kestesіnde «Astana» 8 upaymen ekіnşі orında keledі. Al «Renn» komandasınıñ qorjınında 6 upay bar. Bügіngі kezdeswde francwz klwbı jeñіske jetken jağdayda ekіnşі orın solardıñ enşіsіne tïedі. Sonıñ nätïjesіnde «Renn» ekіnşі joldamağa qol jetkіzedі. Al bіzdіñ «Astana» üşіn kem degende teñ oyın jetedі. Bіrіnşі joldama Kïevtіñ «Dïnamo» komandasına erterek buyırdı. Olardıñ enşіsіnde qazіr 11 upay bar.

«Astana» komandası 29 qaraşadan bastap eşqanday resmï oyın ötkіzgen joq. Sol künі Ewropa bіrіnşіlіgі toptıq kezeñіnde Kïevtіñ «Dïnamo» klwbımen kezdekenі belgіlі.

 Elordalıq klwb bïıl besіnşі märte Qazaqstan çempïonı atağına qol jetkіzdі. «Rennmen» kezdeswge dayındığın erte bastadı. Al 9 jeltoqsan künі komanda Francïyanıñ üşіnşі dïvïzïonında oynaytın «Şamblï» fwtbol klwbına qarsı joldastıq kezdesw ötkіzdі. Bul oyında elordalıqtar 1:0 esebіmen jeñіske jettі.

«Bіzdіñ jaqsı nätïjege qol jetkіzgіmіz keledі. Komanda aldında ülken maqsat qoyıp otır. «Astana» komandasınıñ twrnïrlіk kestedegі jağdayı bіzden jaqsı. Sondıqtan bügіngі kezdesw qïın oyın boları sözsіz. Degenmen, bіz erteñ janküyerlerdіñ qoldawına ülken senіm artamız», - deydі «Renn» fwtbol klwbı bas bapkerіnіñ mіndetіn atqarwşı Jyulen Stefan.

Esterіñіzge sala ketelіk, buğan deyіn «Renn» komandasınıñ bas bapkerі qızmetіn Sabrï Lyamwşï atqarğan edі. Komanda tіzgіnіn bïılğı mamır ayında ustağan ol atalmış klwbtıñ Ewropa lïgası men el bіrіnşіlіgіnde sätsіz oyındarına baylanıstı qızmetіnen kettі.

Al «Astana» komandası bas bapkerіnіñ mіndetіn atqarwşı Grïgorïy Babayan janküyer senіmіnen şığwğa küş salatının jetkіzіp otır.

Bul kezdesw bügіn sağat 23.55-te bastaladı. Atalmış oyın «Qazsport» telearnasınan tіkeley efïrde körsetіledі. Sonday-aq, däl osı künі atalmış toptağı «Dïnamo» (Kïev) pen Çexïyanıñ «Yablonec» komandaları kezdesedі.

 

 

Avtor: Ädіljan Ümbet
Bastı sözder: Sport, Astana,
Joğarı qaray