Aýa raıy
Astana 12 °S
Almaty 19 °S
valıýta baǵamy
USD 389.52
EUR 429.21
RUB 6.07
CNY 54.94

EÝRO-2020 boıtumary tanystyryldy

2019 jyldyń 25 naýryz 2019 11:24

NUR-SULTAN. QazAqparat - Amsterdamda match aldyndaǵy shoý barysynda ÝEFA EÝRO-2020 resmı boıtumaryn tanystyrdy. Onyń esimi - Skıllzı. EÝRO-2020 boıtumary frıstaıl men kóshe fýtbolyn jaqsy kóredi, dep habarlady QazAqparat uefa.com saıtyna siltememen.

Nıderland - Germanııa arasyndaǵy Eýropa chempıonatynyń irikteý matchyna jınalǵan 55 myń kórermen tanymal frıstaılerler Lıv Kýk pen Tobıas Bekspen birge Skıllzıdiń tehnıkasyna kýá boldy.

«Bizge frıstaıl men kóshe fýtbolynyń ádemiligin búkil Eýropanyń jankúıerlerine kórsetýge tamasha múmkindik týdy», - dedi Lıv.

EÝRO-2020 chempıonaty ótetin 12 eldiń turǵyndary vıdeo túsirip, óz qalasyn tanystyra alady. Lıv pen Tobıas úzdik vıdeolardy iriktep, daýys berýge shyǵarady. Sodan keıin jankúıerler EÝRO-2020 ár qalasynan bir qyz ben bir jigitti tańdaıdy. Eýropa birinshiligi Amsterdam, Baký, Bılbao, Býdapesht, Býharest, Glazgo, Dýblın, Kopengagen, London, Mıýnhen, Rım jáne Sankt-Peterbýrg qalalarynda ótedi. Osy irikteýden ótken 24 adam túrli sharalarda óz múmkindikterin kórsete alady.

«EÝRO-2020 tarıhtaǵy eń iri sporttyq sharalardyń biri bolmaq. Frıstaıl ony qyzyqtyraq ete túsedi», - dedi frıstaıldan Eýropanyń burynǵy chempıony norvegııalyq Tobıas.

Basty sózder: Sport, Álem,
Joǵary qaraı