Aýa raıy
Astana 10 °S
Almaty 20 °S
valıýta baǵamy
USD 389.59
EUR 429.06
RUB 6.05
CNY 55.07

Erjan Maksım: Sabaqqa úlgerimim nasharlap ketti...

2019 jyldyń 21 mamyr 2019 03:01

NUR-SULTAN. QazAqparat - Reseılik «Golos.Detı» jobasynyń fınalısi Erjan Maksım «Qazaqstan» arnasyndaǵy «Túngi stýdııa» baǵdarlamasynda qonaqta boldy, dep habarlaıdy QazAqparat tilshisi.

Ol mekteptegi sabaqtardy ótkizip alatynyn, biraq oqyp júrýge tyrysatynyn aıtty.

Jas ánshi júrgizýshi Qaırat Ádilgereıdiń jıi saparlar oqý úlgerimine qalaı áser etip jatqanyna qatysty suraǵyna jaýap bere otyryp: «Úlgerimim nasharlap ketti. Endi ne isterimdi bilmeımin», - dep qaljyńdaı sóıledi.




null
Sondaı-aq ol qazirgi ýaqytta júregin jaýlap alǵan hanshaıymnyń baryn aıtty.

«Men qyzǵa qaramaımyn. Biraq ózimniń qyzym bar. Esimi qupııa bolsyn. Meniń jasym 11-de, onyń jasy 10-da», - dep qysqa qaıyrdy.

E.Maksım reseılik shoýda jeńiske jetpegeni úshin kóńili túspegenin jetkizdi. «Kerisinshe, men týraly bári jaza bastady, burynǵydan da tanymal bola tústim. Sebebi bul jóninde kóptegen ánshiler áleýmettik jelide jazdy. Birinshi oryn alsam, bári quttyqtap, keıin umytyp keter edi. Biraq bul jaǵdaı este qaldy», - dedi jas talant.

Budan bólek, baǵdarlama barysynda Erjan moınyna únemi taǵyp júretin alqany oǵan Reseıdiń halyq ártisi, ánshi Alla Pýgacheva syılaǵany belgili boldy. Kesh sońynda ol telekórermenderge án aıtyp berdi.




null
Eske sala ketsek, Batys Qazaqstan oblysynyń daryndy turǵyny Reseıdiń birinshi arnasyndaǵy «Golos. Detı» konkýrsynda ekinshi oryn ıelengen bolatyn. Keıin telearna basshylyǵy baıqaýdyń nátıjesin qaıta qarap, joqqa shyǵardy. Nur-Sultan qalasyna gastroldik saparmen kelgen RF ánshisi Valerıı Meladze E.Maksımmen birge án shyrqap, onyń jazdaǵy kontsertine kelýge ýáde etti. V.Meladze atalmysh jobada onyń jetekshisi bolǵan edi.

Al Reseıdiń halyq ártisi, kompozıtor Igor Krýtoı ony óziniń mýzykalyq akademııasyna oqýǵa shaqyrdy.

Sondaı-aq Erjannyń «Golos. Detı» shoýynyń arnaıy shyǵarylymyna qatysatyny anyqtaldy. Bul týraly elordada ótken baspasóz máslıhatynda anasy Gúlmıra Álibek málim etti.

QR Mádenıet jáne sport mınıstrliginiń uıymdastyrýymen Erjan Maksımniń jeke kontserti aldaǵy 28 maýsymda saǵat 19:00-de «Qazaqstan» ortalyq kontsert zalynda ótedi.

Avtor Mıra Tólendiqyzy
Basty sózder: Qoǵam, BAQ,
Joǵary qaraı