Aýa raıy
Astana -3 °S
Almaty -1 °S
valıýta baǵamy
USD 389.86
EUR 435.32
RUB 6.12
CNY 55.12

Erjan Maksım elordadaǵy jeke kontsertinde jańa ánder usynady

2019 jyldyń 18 maýsym 2019 18:28

NUR-SULTAN. QazAqparat - 28 maýsymda elorda turǵyndary jas daryn Erjan Maksımniń aıryqsha shoý-kontsertiniń kýágeri bolady, dep habarlaıdy QazAqparat Mádenıet jáne sport mınıstrliginiń baspasóz qyzmetine silteme jasap.

Mádenıet jáne sport mınıstrligi elorda kúnine oraı «Golos. Detı» jobasynyń jeńimpazy Erjan Maksımniń alǵashqy debıýttik kontsertin daıyndaýda.

«Oryndaýshynyń jasy jeke kontsertti ótkizýge esh kedergi emes, Erjan bul iske úlken jaýapkershilikpen daıyndalýǵa kiristi. Qazirgi tańda jas daryn Qazaqstannyń eńbek sińirgen qaıratkerleri Ulyqpan Joldasov jáne Renat Gaısın syndy kompozıtorlarmen kompozıtsııa jazý ústinde. Bul - Erjannyń repertýaryndaǵy alǵashqy avtorlyq ánder. Atalmysh shyǵarmalardy jeke kontsertke kelgen kórermender alǵashqylardyń biri bolyp tyńdaıdy» delingen habarlamada.

Keshtiń repertýarynda N. Nazarbaevtyń «Otan-Ana», E. Karmenniń «All by Myself», M. Magomaevtyń «Sınıaıa vechnost» kompozıtsııalary jáne ózge de týyndylar «Solıster akademııasy» Memlekettik kameralyq orkestriniń súıemeldeýimen shyrqalady.

Sáken Maıǵazıev, Ulyqpan Joldasov, Renat Gaısın, Aıqyn Tólepbergen, Móldir Áýelbekova, Ábdijappar Álqoja syndy qazaqstandyq oryndaýshylar Erjanǵa qoldaý kórsetip, jas darynmen birge án shyrqaıdy.

«Keshtiń repertýarymen ǵana emes, sonymen qatar oryndaýshynyń kórermender aldyna shyǵatyn sahnalyq obrazymen de egjeı-tegjeıli jumys jasalýda. «Zeken Moda» brendiniń avtory Qaırolla Ábishev Erjannyń aıryqsha kostıýmderin daıyndap jatyr. Bir aıta keteri, naqty osy dızaıner Dımash Qudaıbergenniń Londondaǵy kontserti men Los-Andjelestegi «The World's Best» (AQSh) konkýrsyndaǵy kostıýmderin tigip bergen edi» dep málim etti mınıstrlikten.

Budan buryn Erjan Maksım astanalyq balalar úıi men «SOS balalar aýylyna» baryp, tárbıelenýshilerge alǵashqy kontsertine shaqyrý bıletterin óz qolymen úlestirdi. Artynan Erjan «Mýz»TV-2019 júldesine qonaq retinde qatysyp, sahna syrtynda reseılik estrada juldyzdarymen kezdesti.

Erjannyń bolashaqqa jospary kóp. Qazirgi ýaqytta «Habar» agenttigi Erjan Maksım jaıynda derekti fılm túsirýdi qolǵa aldy.

Esterińizge sala keteıik, 28 maýsymda saǵat 19-00-de qazaqstandyq oryndaýshy Erjan Maksımniń alǵashqy jeke kontserti ótedi. Bıletterdi qala kassalarynda jáne BiletiAstani.kz. saıtynan alýǵa bolady.

Joǵary qaraı