Awa rayı
Astana 1 °S
Almatı -4 °S
valyuta bağamı
USD 377.62
EUR 426.03
RUB 5.67
CNY 55.78

Ertіs öñіrіne josparlanğan asıl tuqımdı maldıñ 72 payızı jetkіzіldі

2019 jıldıñ 9 qañtar 2019 09:50 445

PAVLODAR. QazAqparat - 2018 jılı Pavlodar oblısına şet memleketterden 2662 asıl tuqımdı mal jetkіzіldі. Bul twralı oblıstıq Awıl şarwaşılığı basqarması mal şarwaşılığı bölіmіnіñ bas mamanı Tіlekbol Şarapatov mälіm ettі, dep xabarlaydı QazAqparat pavlodarnews.kz saytına sіlteme jasap.

«Eñ joğarı körsetkіş boyınşa aberdïn-angws tuqımdı 606 bas sïır satıp alğan bayanawıldıq «Jayma» JŞS köş bastap tur. Budan keyіn 520 bas äkelgen Aqqwlıdan «Altay» şarwa qojalığı men ettі bağıttağı 200 bas sïır jetkіzgen Şarbaqtı awdanındağı «Pobeda» serіktestіgіn atap ötwge boladı. Bul maldardıñ barlığı Reseyden satıp alındı. Al, jelezïndіk «Paxar» JŞS Germanïyadan 597 bas süttі bağıttağı golştïno-frïz sïırın alğan. Jalpı, 2018 jılı oblıs boyınşa josparlanğan 3700 bas asıl tuqımdı maldıñ 72 payızı jetkіzіldі», - dedі Tіlekbol Şarapatov.

Mäselen, Tereñköl awdanı käsіpkerlіk jäne awıl şarwaşılığı bölіmіnіñ mal şarwaşılığı jönіndegі bas mamanı Qurman Axmetov awdanda «Sıbağa» bağdarlaması boyınşa josparlanğan 888 asıl tuqımdı mal basınıñ 392-sі jetkіzіlgenіn ayttı.

«KazPromAgro» JŞS memlekettіk «Sıbağa» bağdarlaması boyınşa 500 asıl tuqımdı mal äkelwdі josparlağan bolatın. Qazіrgі waqıtta Reseydіñ Bryansk oblısınan 322-sі äkelіngen. Barlığı aberdïn-angws tuqımdı sïırlar. Qalğandarın jük kölіgіnіñ bosamawına baylanıstı aldağı künderі äkelmek. Atalmış şarwa qojalığında qazіrgі kezde 554 bas asıl tuqımdı sïır bar. Onıñ 232-sі - aqbas sïırlar. 2016 jılı qurılğan serіktestіk egіn jäne mal şarwaşılığı salasında nätïjelі jumıs jasaswda», - dedі Qurman Axmetov.  

Budan basqa, awdandağı «Ereke» şarwa qojalığı aberdïn-angws sïırlarınıñ josparlanğan 200 basınıñ 70-іn Reseydіñ Krasnoyarsk ölkesіnen satıp alğan.


null 

«Memlekettіk bağdarlama ayasında «Karïna» ŞQ - 80, «Sïvwxïn» ŞQ - 50, «Agro Kolos» JŞS - 58 bas äkelw kerek bolğan. Alayda, atalmış qojalıqtar asıl tuqımdı maldarın älі äkelіp ülgergen joq. Bul keşіktіrіlwdіñ sebebі, asıl tuqımdı maldardı satıp alğan kezde, Reseyden şığarmas burın veterïnarlıq-sanïtarlıq talaptarğa say bіrneşe kezeñnen turatın tekserwlerі bar. Oğan qosa, elіmіzge äkelgen sätte de tekserwden ötkіzіledі. Sondıqtan bul jumıstarğa köp waqıt ketedі», - deydі Qurman Axmetov.  

 

 

Joğarı qaray