Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Ertis óńirinde bıznes sýbektileriniń 33 paıyzyn áıelder basqarady

2019 jyldyń 6 naýryz 2019 01:31

PAVLODAR. QazAqparat - Pavlodar oblysynda shaǵyn jáne orta bıznes sýbektileriniń jalpy sany - 44 myńnan astam. Onyń 33 paıyzyna (15 myń) áıelder jetekshilik etedi, dep habarlaıdy pavlodarnews.kz.

Bul týraly óńirlik kommýnıkatsııalar qyzmetinde ótken baspasóz máslıhatynda «Atameken» Pavlodar óńirlik kásipkerler palatasy adamı kapıtaldy damytý bóliminiń bastyǵy Baqytjan Іlııasova málim etti.

«Bıznes salasyndaǵy áıelderdiń sapaly quramynyń 50 paıyyzyn belsendi jastaǵy azamatshylar quraıdy Bul - 160 myńǵa jýyq áıel. 10 myńnan astamy sábıleriniń kútimi boıynsha demalysta otyr»,- deıdi Baqytjan Іlııasova. Aıta ketken jón, 2018 jyly ERG kompanııalar toby men «Atameken» UKP-nyń Іsker áıelder respýblıkalyq keńesi kongresinde ózara yntymaqtastyq jóninde memorandýmǵa qol qoıylǵan bolatyn. Kezdesý qorytyndysy boıynsha Qazaqstan Halyq bankine áıelder kásipkerligin nesıelendirýge 1 mıllıard teńge kóleminde birinshi transh bólindi. Pavlodar oblysynan túsken 58 ótinishtiń ishinde bes joba 30 mıllıon teńge kóleminde nesıe aldy. Qarajat qural-jabdyq satyp alý, ınvestıtsııalardy qaıta qarjylandyrý jáne aınalym qarjysyn tolyqtyrýǵa jumsaldy.

Spıkerdiń aıtýynsha, aýyldyq jerlerde bıznespen aınalysatyn áıelderdiń sany artyp kele jatqany baıqalady. «Máselen, 2018 jyldyń ishinde jalpy quny 322,9 mıllıon teńgeni quraıtyn áıelder bıznesiniń 113 jobasy bastaý aldy», - deıdi Baqytjan Іlııasova. «Jobalar qyzmet kórsetý, bilim berý, mal sharýashylyǵy jáne nan óndirisi salalarynda júzege asyryldy. Onyń ishinde «ıAsmın» jeke kásipkerligi kójekterdi ósirýge 3 mıllıon teńgeniń grantyn alǵan. Áıelder kásipkerligin damytýda memlekettik qoldaýdyń mańyzy zor. Nátıjesinde isker azamatshalar túrli salada óz bıznesin damytyp, jańa jumys oryndaryn ashýda. Aımaq ekonomıkasynyń damýyna úles qosyp, sapaly, básekege qabiletti ónim shyǵarady».

Aıta keterligi, kásipkerler palatasy janynda «Bıznes Keńesshi», «Bıznes Ósim», «Bastaý» atty tegin oqytý kýrstaryna 3 myńnan astam áıel qatysyp, keńes alǵan.

Joǵary qaraı