Awa rayı
Nur-Sultan 16 °S
Almatı 16 °S
valyuta bağamı
USD 379.59
EUR 429.43
RUB 5.91
CNY 56.58

Ertіs öñіrіnde bïznes swbektіlerіnіñ 33 payızın äyelder basqaradı

2019 jıldıñ 6 nawrız 2019 01:31 788

PAVLODAR. QazAqparat - Pavlodar oblısında şağın jäne orta bïznes swbektіlerіnіñ jalpı sanı - 44 mıñnan astam. Onıñ 33 payızına (15 mıñ) äyelder jetekşіlіk etedі, dep xabarlaydı pavlodarnews.kz.

 Bul twralı öñіrlіk kommwnïkacïyalar qızmetіnde ötken baspasöz mäslïxatında «Atameken» Pavlodar öñіrlіk käsіpkerler palatası adamï kapïtaldı damıtw bölіmіnіñ bastığı Baqıtjan  Іlïyasova mälіm ettі.

«Bïznes salasındağı äyelderdіñ sapalı quramınıñ 50 payıızın belsendі jastağı azamatşılar quraydı Bul - 160 mıñğa jwıq äyel. 10 mıñnan astamı säbïlerіnіñ kütіmі boyınşa demalısta otır»,- deydі Baqıtjan  Іlïyasova. Ayta ketken jön, 2018 jılı ERG kompanïyalar tobı men «Atameken» UKP-nıñ Іsker äyelder respwblïkalıq keñesі kongresіnde özara ıntımaqtastıq jönіnde memorandwmğa qol qoyılğan bolatın. Kezdesw qorıtındısı boyınşa Qazaqstan Xalıq bankіne äyelder käsіpkerlіgіn nesïelendіrwge 1 mïllïard teñge kölemіnde bіrіnşі tranş bölіndі. Pavlodar oblısınan tüsken 58 ötіnіştіñ іşіnde bes joba 30 mïllïon teñge kölemіnde nesïe aldı. Qarajat qural-jabdıq satıp alw, ïnvestïcïyalardı qayta qarjılandırw jäne aynalım qarjısın tolıqtırwğa jumsaldı.

 Spïkerdіñ aytwınşa, awıldıq jerlerde bïznespen aynalısatın äyelderdіñ sanı artıp kele jatqanı bayqaladı. «Mäselen, 2018 jıldıñ іşіnde jalpı qunı 322,9 mïllïon teñgenі quraytın äyelder bïznesіnіñ 113 jobası bastaw aldı», - deydі Baqıtjan  Іlïyasova.  «Jobalar qızmet körsetw, bіlіm berw, mal şarwaşılığı jäne nan öndіrіsі salalarında jüzege asırıldı. Onıñ іşіnde  «Yasmïn» jeke käsіpkerlіgі köjekterdі ösіrwge 3 mïllïon teñgenіñ grantın alğan. Äyelder käsіpkerlіgіn damıtwda memlekettіk qoldawdıñ mañızı zor. Nätïjesіnde іsker azamatşalar türlі salada  öz bïznesіn damıtıp, jaña jumıs orındarın aşwda. Aymaq ekonomïkasınıñ damwına üles qosıp,  sapalı, bäsekege qabіlettі önіm şığaradı».

Ayta keterlіgі, käsіpkerler palatası janında «Bïznes Keñesşі», «Bïznes Ösіm», «Bastaw» attı tegіn oqıtw kwrstarına 3 mıñnan astam äyel qatısıp, keñes alğan. 

 

Joğarı qaray