Aýa raıy
Astana 16 °S
Almaty 24 °S
valıýta baǵamy
USD 384.52
EUR 431.32
RUB 6.10
CNY 55.89

Erlan Qarın: Ulttyq keńes jumysyna qatysty usynystar kóptep túsip jatyr

2019 jyldyń 18 maýsym 2019 15:55 908

NUR-SULTAN. QazAqparat - QR Prezıdentiniń keńesshisi Erlan Qarın Ulttyq qoǵamdyq senim keńesin qurý baǵytynda usynystar kóptep túsip jatqanyn málim etti, dep habarlaıdy QazAqparat tilshisi.

«Ulttyq keńestiń jumysyn úılestirý máselesi boıynsha azamattyq qoǵam ókilderimen keńesý qaýlyǵa qol qoıylǵannan-aq bastalyp ketti. Kezdesýler tipti ótken demalys kúnderi de kóptep ótkizildi. Qazir de jalǵasýda. Qoǵamnyń ártúrli segmentterindegi qaıratkerlermen, azamattyq belsendilermen kezdesýler ótip jatyr. Ártúrli máseleler kóterilip jatqandyqtan, talqylaýǵa qatysty qandaı da bir qorytyndy jasaýǵa áli erte. Biz qazirgi ýaqytta Ulttyq keńestiń jumys formaty men quramyna qatysty barlyq usynystardy tirkep jatyrmyz», - deıdi Erlan Qarın.

QR Prezıdentiniń keńesshisi barlyq usynystar saralanyp, taldanatynyn aıtady.

«Biraq, qazirdiń ózinde qurylyp jatqan Ulttyq keńestiń jumysyna qoǵam qaıratkerleri úlken qyzyǵýshylyq tanytyp otyrǵanyn atap ótkim keledi. Olar belsendi túrde pikir bildirip, dıalog alańynyń kún tártibine qatysty oılaryn ortaǵa salyp jatyr», - deıdi Erlan Qarın.

Aıta keteıik, Qazaqstan Prezıdenti Qasym-Jomart Toqaevtyń jarlyǵymen  Ulttyq qoǵamdyq senim keńesi qurylǵan bolatyn. Onyń quramyna barlyq birlestik ókilderi men jastar enedi. Ulttyq qoǵamdyq senim keńesiniń alǵashqy otyrysy osy jyldyń tamyz aıynda ótedi.

 

 

 

 

Avtor Aıan Bekenuly
Basty sózder: Qoǵam, Qazaqstan Prezıdenti,
Joǵary qaraı