Aýa raıy
Astana 6 °S
Almaty 9 °S
valıýta baǵamy
USD 389.86
EUR 435.32
RUB 6.12
CNY 55.12

Er adam Eıfel munarasynyń ushar basynan sekirmek boldy

2019 jyldyń 21 mamyr 2019 09:01

NUR-SULTAN. QazAqparat - Dúısenbi kúni qyryq jastaǵy er adam Parıjdegi Eıfel munarasynyń basyna shyǵyp, sekiremin dep jurtty dúrliktirdi. Keıinnen ol qutqarýshylarǵa berildi. Bul týraly BFM telearnasy habarlady.

Oqys oqıǵa kúndiz bolǵan. Qara kıingen álgi adam qorshaýlardan asyp ótip, munaranyń ekinshi qabatyna kóterilgen. Sodan ári jalań qolmen munaranyń ushar basyna deıin órmelep shyqqan.

Telearnanyń habarlaýynsha, bir jarym saǵatta «órmekshi adam» 300 metrdeı bıikke - sholý alańynyń astyna deıin kóterilgen. Oqıǵa ornyna Eıfel munarasynda jedel áreket etetin qutqarýshylar men polıtseıleri jumyldyryldy. Eki qutqarýshy sholý alańynan arqanmen oǵan jaqyndap, bul oıynan qaıtýǵa kóndirmek bolady. Ony kóndirý birneshe saǵatqa sozylǵan. Tek qarańǵy túsken soń ǵana óz raıynan qaıtqan adam polıtseılerge berildi.

Aıta keteıik, sońǵy jyldary Eıfel munarasyna jyl saıyn 7 mıllıonnan astam týrıst kelip júr.

Foto: twitter.com/simplyirfan

Basty sózder: Oqıǵa, Álem,
Joǵary qaraı