Aýa raıy
Astana 25 °S
Almaty 29 °S
valıýta baǵamy
USD 383.98
EUR 430.63
RUB 6.11
CNY 55.83

Elordanyń 294 oqýshysy «Altyn belgi» aldy

2019 jyldyń 18 maýsym 2019 17:24 804

NUR-SULTAN. QazAqparat - Elordanyń 294 oqýshysy «Altyn belgi» belgisin jáne 305 oqýshy úzdik attestattaryn aldy. Bul jaıynda Nur-Sultan qalasy ákiminiń orynbasary Malıka Bekturova Telegramdaǵy paraqshasynda jazdy, dep habarlaıdy QazAqparat.

Onyń jazýynsha, endi jas túlekter Qazaqstanda 20 maýsymnan bastap 5 shilde aralyǵynda ótetin Ulttyq biryńǵaı testileýge daıyndalýda. Bıylǵy jyly 6 484 túlek elorda mektepterin bitirdi, onyń 5 656-y UBT-ǵa qatysýǵa ótinim berdi, ıaǵnı 93,3 paıyzy.

«Testileý  saǵat 9-00-de bastalady jáne úsh jarym saǵatqa sozylady. Bitirýshiler 125 test tapsyrmasyna jaýap berýi tıis, ıaǵnı bes pánniń árqaısysynan  25 suraqtan. 2019-2020 oqý jylyna memleket 66 556 grant bóldi, olardyń 51 085-i bakalavrıatqa, 13159-i magıstratýraǵa, 2312-i doktorantýraǵa (PhD). Qurmetti talapkerler, testileýden tabysty ótýińizge jáne sizdiń kásibı qyzmetińizde paıdaly bolatyn, sizge unaıtyn bilim baǵdarlamasyn tańdaýǵa tilektespin», - dep jazdy qala ákiminiń orynbasary.

 

 

Avtor Marlan Jıembaı
Basty sózder: Bilim, Nur-Sultan,
Joǵary qaraı