Aýa raıy
Astana 5 °S
Almaty 7 °S
valıýta baǵamy
USD 389.81
EUR 430.27
RUB 6.06
CNY 54.91

Elordaǵa qyzmet kórsetetin kompanııalar basshylarynyń WhatsApp nómirleri jarııalandy

2019 jyldyń 23 mamyr 2019 11:17

NUR-SULTAN. QazAqparat - Elorda ákiminiń orynbasary Arman Turlybek Facebook-tegi paraqshasynda qalanyń qyzmet kórsetetin kompanııalary birinshi basshylarynyń WhatsApp messendjerindegi nómirlerin jarııalady, dep habarlaıdy QazAqparat tilshisi.

«Aqparattyq ashyqtyq saıasatyn ustaný jáne turǵyndardyń ótinishterine jedel áreket etý maqsatynda paıdaly baılanys nómirlerin jarııalaımyn. Sizder maǵan anyqtamalyq qyzmet telefondaryna qońyraýdy úzýge týra keletinin aıtyp, sý men jaryqty sóndirse nemese konteınerlik alańdy qoqystan tazalamasa naqty kimge xabarlasýǵa bolatynyn surap jıi jazasyzdar. Al bulardyń bári bizdiń turmys-tirshiligimizdi qamtamasyz etetin resýrstar. Olarsyz qazirgi qala turǵynyna qıyn. Eger osy salada másele-suraq týyndasa, olar ádette, keıinge qaldyrýdy kútpeıdi. Kommýnaldyq sektor basqarmalary basshylarynyń telefondary, sonyń ishinde meniń baılanys nómirim burynnan belgili. Siz ben bizdiń aramyzdaǵy keri baılanys jolǵa qoıylǵan», - dep jazady ol.

Osy rette elorda ákiminiń orynbasary endigi kezekte elordanyń kommýnaldyq kásiporyndary basshylyǵymen baılanys ornatý kerektigin atap ótedi.

«Qalanyń qyzmet kórsetetin kompanııalary birinshi basshylarynyń WhatsApp nómirlerin jarııalap otyrmyn. Árıne, tyǵyz jumys kestesine baılanysty basshylarda telefon qońyraýlaryna jaýap berý múmkindigi únemi bola bermeıdi. Sondyqtan WhatsApp arqyly habarlasý óte jaqsy balama. WhatsApp boıynsha suraqtaryńyzdy jazyp qoıyńyzdar. Olarmen Facebook-te baılanys ornatyńyz. Olardyń resmı saıttaryndaǵy mańyzdy aqparattardy qadaǵalańyz. Olar sizdermen qarym-qatynas jasaýǵa daıyn! Jáne osy paıdaly aqparatty saqtap alýdy umytpańyz, paıdasy tıip qalar», - dedi Arman Turlybek.



Joǵary qaraı