Aýa raıy
Astana 25 °S
Almaty 28 °S
valıýta baǵamy
USD 386.80
EUR 429.27
RUB 5.78
CNY 54.89

Elordadan «Kıeli Qazaqstan» kópkúndik ekspedıtsııasy bastalady

2019 jyldyń 20 maýsym 2019 16:05 2774

NUR-SULTAN. QazAqparat - Erteń Nur-Sultan qalasynyń irgesindegi «BalQaragai» demalys aımaǵynan «Kıeli Qazaqstan» kópkúndik ekspedıtsııasy jolǵa shyǵady. Bul jolǵy sharanyń ereksheligi - qatysýshylar tek jeńil avtokólikpen emes, atqa da minip saparlaıdy, dep habarlaıdy QazAqparat tilshisi.

Osyǵan oraı uıymdastyrylǵan baspasóz máslıhatynda «Kazakh Tourism» UK» AQ tóraǵasynyń orynbasary Sádýaqasov Qaırat kásibı mamandar on kún ishinde Aqmola, Qaraǵandy, Pavlodar oblystary men Buırataý, Baıanaýyl ulttyq parkterin júrip ótetindigin aıtty. Salt attylar táýligine 50-60 shaqyrymdy eńserip, jaqyn mańdaǵy aýyldarda lager qurmaq.

«Atbegilik Qazaqstan týrızmin jańa baǵytqa qaraı burady dep esepteımin. Almaty oblysynda Kólsaı kólderi, Ketmene, Assy aımaqtaryndaǵy baǵyttar týrısterdiń suranysyna ıe. Dál osyndaı marshrýttardy Aqmola, Qaraǵandy, Pavlodar oblystarynda júzege asyrý qolǵa alynyp otyr», - dedi ol.

Ekspedıtsııanyń sońǵy núktesi Baıanaýyl ulttyq parkiniń aýmaǵynda ornalasqan Jasybaı kólinde 29 maýsymǵa josparlanǵan. Jalpy, bul joba «Rýhanı jańǵyrý» baǵdarlamasyn iske asyrýǵa eleýli úles qosady. Sondaı-aq, Elbasynyń «Uly dalanyń jeti qyry» maqalasynda aıtylǵan atqa miný mádenıetin jańǵyrtý bastamasymen ushtasyp jatyr.

«Ekspedıtsııanyń maqsaty - atty týrızmdi damytýǵa jańa týrıstik baǵyttardy jasaý jáne týǵan jerimizdi zertteý. Oǵan qosa, ekspedıtsııa týraly materıaldar Qazaqstannyń týrıstik destınatsııa retinde tanylýyna jáne halyqty ishki týrızmge tartýǵa yqpal etedi. Ekspedıtsııa nátıjesinde elimizdiń tabıǵı nysandary boıynsha jańa týrıstik baǵyttar, sapaly foto-jáne vıdeobankter qurylady. Olardyń qazirgi jaǵdaıy týraly ózekti aqparat alynady, ıllıýstratsııalanǵan jolnusqa jasalatyn bolady», - deıdi «QazaqGeography» RQB ǵylymı jáne ekspedıtsııa qyzmeti boıynsha departament dırektory Nurjan Alǵashov.

Aıta keterligi, QR Mádenıet jáne sport mınıstrligi Týrızm ındýstrııasy komıtetiniń bastamasymen qolǵa alynyp otyrǵan ekspedıtsııany «Kazakh Tourism» ulttyq kompanııasy uıymdastyrsa, «QazaqGeography» respýblıkalyq qoǵamdyq birlestigi onyń baǵdaryn jasap, ótkizedi.

Ekspedıtsııanyń tolyq júrip ótetin marshrýty: Nur-Sultan qalasy - Prırechnoe aýyly - Qaraǵaıly arheologııalyq kesheni  - Sokolınye gory (Buırataý UTP) - Balyqty aýyly - Alǵabas aýyly  - Belodymovskıı kordon, Qaraaǵash (Buırataý UTP) - Álkeı Marǵulan aýyly - Qarabulaq aýyly - Teńdik aýyly- Semizbuǵa aýyly - Shalqar aýyly - mavzoleı Buhar Jyraý - Jańatilek aýyly -  Egindibulaq aýyly  - Baıanaýyl -  Jasybaı kóli (GNPP Baıanaýyl UTP) - Nur-Sultan qalasy.

 

 

Joǵary qaraı