Aýa raıy
Astana -1 °S
Almaty 2 °S
valıýta baǵamy
USD 389.86
EUR 435.32
RUB 6.12
CNY 55.12

Elordadaǵy jol apaty: Mert bolǵandardyń otbasyna materıaldyq kómek beriledi

2019 jyldyń 26 naýryz 2019 15:53

NUR-SULTAN. QazAqparat - «Astana LRT» JShS basqarma tóraǵasy Bekmyrza Igenberdınov elordadaǵy jol apatynda mert bolǵan avtobýs júrgizýshisi men jolaýshysy týraly aıtyp berdi, dep habarlaıdy QazAqparat tilshisi.

Onyń aıtýynsha, júrgizýshi Abaı Ospanov tańǵy 6.30-da reıske shyǵarda medıtsınalyq tekserýden ótken jáne densaýlyǵynan esh kinárat baıqalmaǵan.

«Sonymen birge, júrgizýshi 2018 jyly jeltoqsan aıynyń sońynda da medıtsınalyq tekserýden ótken. Densaýlyǵy jaqsy bolǵan. Ujymda úlgili qyzmetker bolǵan. 2018 jyly eshqandaı jol tártibin buzbaǵan. Qoǵamdyq kólik te josparly tehnıkalyq tekserýden ótken, aqaý bolmaǵan. Apattyń naqty sebepteri sot-medıtsınalyq saraptama nátıjesinde anyqtalady. Ol úshin arnaıy komıssııa quryldy», - dedi B. Igenberdınov Astana ákimdiginde ótken baspasóz máslıhatynda.

Júrgizýshiniń artynda tórt balasy qaldy, olardyń eń úlkeni - 17 jasta.

«Apatta kóz jumǵandardyń týystaryna barlyq materıaldyq kómek kórsetiledi. Sonymen birge, jolaýshy Aızat Nurkenovanyń Qaraǵandy oblysynda týǵany anyqtaldy. Onyń denesin Qaraǵandyǵa jetkizýge kómek beriledi. A. Nurkenovanyń artynda bir balasy qaldy», - dedi B. Igenberdınov.

Eske sala ketsek, elordadaǵy jantúrshigerlik kólik apatynan zardap shekkender sany 27-ge jetti. Sońǵy málimetke sáıkes, zardap shekkender sany 36 adamǵa jetti.

26 naýryz kúni Uly Dala men Qabanbaı batyr dańǵyly qıylysynda úsh avtobýstyń jáne jeńil kólikterdiń qaqtyǵysýymen jol-kólik oqıǵasy oryn aldy. Qala mańy baǵdaryndaǵy № 301 avtobýs № 12 baǵdardaǵy jolaýshylar avtobýsymen soqtyǵysty. Osynyń ekpinimen olar № 53 avtobýsqa jáne jedel járdem kóligine baryp soǵyldy.

Avtor Aıjan Serikjanqyzy
Basty sózder: Kólik, Nur-Sultan, Oqıǵa,
Joǵary qaraı