Awa rayı
Nur-Sultan 16 °S
Almatı 16 °S
valyuta bağamı
USD 379.59
EUR 429.43
RUB 5.91
CNY 56.58

Elordadağı jol apatı: Mert bolğandardıñ otbasına materïaldıq kömek berіledі

2019 jıldıñ 26 nawrız 2019 15:53 687

NUR-SULTAN. QazAqparat - «Astana LRT» JŞS basqarma törağası Bekmırza Ïgenberdïnov elordadağı jol apatında mert bolğan avtobws jürgіzwşіsі men jolawşısı twralı aytıp berdі, dep xabarlaydı QazAqparat tіlşіsі.

Onıñ aytwınşa, jürgіzwşі Abay Ospanov tañğı 6.30-da reyske şığarda medïcïnalıq tekserwden ötken jäne densawlığınan eş kіnärat bayqalmağan. 

«Sonımen bіrge, jürgіzwşі 2018 jılı jeltoqsan ayınıñ soñında da medïcïnalıq tekserwden ötken. Densawlığı jaqsı bolğan. Ujımda ülgіlі qızmetker bolğan. 2018 jılı eşqanday jol tärtіbіn buzbağan. Qoğamdıq kölіk te josparlı texnïkalıq tekserwden ötken, aqaw bolmağan. Apattıñ naqtı sebepterі sot-medïcïnalıq saraptama nätïjesіnde anıqtaladı. Ol üşіn arnayı komïssïya qurıldı», - dedі B. Ïgenberdïnov Astana äkіmdіgіnde ötken baspasöz mäslïxatında.

Jürgіzwşіnіñ artında tört balası qaldı, olardıñ eñ ülkenі - 17 jasta.

«Apatta köz jumğandardıñ twıstarına barlıq materïaldıq kömek körsetіledі. Sonımen bіrge, jolawşı Ayzat Nurkenovanıñ Qarağandı oblısında twğanı anıqtaldı. Onıñ denesіn Qarağandığa jetkіzwge kömek berіledі. A. Nurkenovanıñ artında bіr balası qaldı», - dedі B. Ïgenberdïnov.

Eske sala ketsek, elordadağı jantürşіgerlіk kölіk apatınan zardap şekkender sanı 27-ge jettі.  Soñğı mälіmetke säykes, zardap şekkender sanı 36 adamğa jettі.

26 nawrız künі Ulı Dala men Qabanbay batır dañğılı qïılısında üş avtobwstıñ jäne jeñіl kölіkterdіñ qaqtığıswımen jol-kölіk oqïğası orın aldı. Qala mañı bağdarındağı № 301 avtobws № 12 bağdardağı jolawşılar avtobwsımen soqtığıstı. Osınıñ ekpіnіmen olar № 53 avtobwsqa jäne jedel järdem kölіgіne barıp soğıldı.

 

 

Avtor: Ayjan Serіkjanqızı
Bastı sözder: Oqïğa, Nur-Sultan, Kölіk,
Joğarı qaray